गागलफेदीमा विकास निर्माणका कार्यहरु कसरी अगाडि बढिरहेको छ ? स्थानीय जनता यसो भन्छन ? ….(भिडियो सहित)

निर्मला सापकोट सञ्जेल/सुनिता तामाङ, काठमाडौ । देश अहिले संघिय प्रणालीमा गएसँगै विकास निर्माण कार्य पनि यसै अनुरुप अगाडि बढिरहेको छ । हाल प्रदेश र संघको निर्वाचन भएको करिव एक वर्ष वितेसँगै स्थानीय तहको निर्वाचन भएको पनि करिव ढेड वर्ष वितिसकेको छ । स्थानीय तहको निर्वाचन भएको डेढवर्षको कार्यकाल चलिरहदा कुन -कुन स्थानीय तहका स्थानीय जनप्रतिनिधिले स्थानीय जनताको समस्यालाई कतिसम्म सम्बोधन गर्न सके र कति विकास निमार्णको कार्यलाई अगाडि बढाए भन्ने विषय आम जनताको चासोको विषय हो ।

कागेश्वरी मनोहरा नगरपालिका वडा नम्वर एक का वडा अध्यक्ष मुकुन्द गजुरेलका अुनसार नयाँ शाखाको बाटो खन्ने, मर्मत, ग्रावेल, सोलार वत्ति जडान, सिसि क्योमेरा जडान सुरु गरेसँगै , प्रहरी चौकी स्थापना कार्य सम्मन्न भएको छ । हाल व्रमखेलदेखि गागलफेदी वडा कार्यलय जाने मुख्य सडक खण्डमा ३ वटा सिसि क्योरा जडान गरिएको छ । स्थानीय जनताको सुराक्षा र चोरी गतिविधि रोक्न उक्त स्थानहरुमा सिसि क्यामेरा जडान गरिएको वडा अध्यक्ष मुकुन्द गजुरलले बताउनुभयो ।

वडा अध्यक्ष गजुरेलका अनुसार आफू निर्वाचित भएर आईसकेपछि केही हदसम्म विकास निमार्ण कार्यहरु सम्पन्न भएसँगै दिर्घकालनि विकासका आयोजनाहरुको प्रक्रिया पनि अगाडि बढिरहेको उहाँको भनाई छ “कागेश्वरी धामलाई पर्यटकिय हिसावले विकास गर्न निमित्त गौरवको योजना  अन्र्तगत डिपिआर तयार भईसकेको छ, नगरस्तरीय सडक कागेश्वरी चक्रपथ र ब्रमखेलबाट चिसापानी सम्म पुग्ने प्रमुख सडक सहित पाताले किल्ला सडक, अधिकारी गाउँसडक पनि नगरस्तरीय भित्र सडक पारी पहिलो प्राथमिकताका साथ सातघटेचोकबाट पाँच सय मिटर सडक पिचको लागि नगरपालिकाबाट टेन्डर भईसकेको छ ।”

करिव डेढवर्षको अन्तरालमा स्थानीय जनप्रतिनिधिले के-के काम गरे भन्दा पनि आम स्थानीय जनताको समस्यालाई कतिसम्म सम्बोन्धन गर्न सकियो भन्ने कुरा  महत्वपूर्ण विषय हो । गागलफेदीका स्थानीय जनताको प्रमुख समस्या भनेको यातायात हो । विकास निर्माणको कार्य योजनाहरु योजनाबद्ध ढङ्गले अगाडि बढिरहेको बताएता पनि यहाँका स्थानीय जनताले यातायातको समस्या खेपिरहेको वडा अध्यक्ष आफै पनि जानकार छन् । जुन गागलफेदीका स्थानीय जनताका लागि पर्यप्ता यातायात सेवा होईन ।  गागलफेदी वसपार्कवाट सुन्दरीजल हुँदै रत्नपार्क जाने नियमित सिटि यातायात चल्ने गर्दछ । गागलफेदी वडा कार्यलयबाट माथी कागेश्ववरी डाँडाका जनताहरुले नियमित यातायात सेवाको लागि सार्वजनिक यातायात सेवा लिन तल फेदी झर्नुपर्दछ। र व्रमखेलबाट गागलफेदी जाने स्थानीय जनताले आधाघन्टादेखि एक घन्टासम्मको पैदलयात्रा गर्नुपर्ने स्थानीय जनता बताउछन् । तत्कालको लागि यातयात सेवा विस्तार गरेमा स्थानीय जनताले यायायात समस्या भोग्नुनपर्ने उनीहरुको भनाई छ । त्यसैले यातायात सेवा सुविधा छिटोभन्दा छिटो होस् भन्ने उनीहरुको चाहन छ ।

कागेश्वरी मनोहरा नगरपालिकाको नौ वटा वडा मध्ये ४० प्रतिशत भू-भाग १ नम्बर वडाले ओगटेको छ । तर्सथ क्षेत्रफलको हिसावले सवैभन्दा ठूलो वडा यस वडा रहेको छ । गागलफेदीदेखि उत्तरी भागमा रहेको माथि चुरेसम्म फैलिएको यस वडा अन्र्तगत काग मन्दिर पनि अवस्थित छ । जसलाई कागेश्वरी धाम भनिन्छ । यसै मन्दिरको नामबाट नगरपालिकाको नामाकरण गरिएको छ। यस मन्दिरमा हरेक वर्षको भाद्र शुक्लपक्षमा कागे मेला लाग्ने गर्दछ । जहाँ हजारौ दर्शनार्थीहरुले दर्शन गर्ने गर्दछन् ।

यस एक नम्बर वडा भौगोलिक तथा प्राकृतिक सौन्दर्य, कृषि र पर्यटकिय दृष्टिकोणले अगाडि रहेको छ । त्यसैले यातायात सेवा, धुलोरहति बाटोघाटो, सिँचाई, स्वस्थ्य, खानेपानी, फोहोरमैला व्यवस्थापन, वजार व्यवस्थापन, इत्यादि विकास निर्माण कार्यलाई अझ अगाडि बढाएमा यहाँका स्थानीय जनताले सेवा सुविधा पाएसँगै पर्यटकिय स्थलकको रुपमा पनि परिचित भई आर्थिक र सामाजिक रुपमा स्थानिय जनताको जीवनस्तर उकासिनेमा टेवा नपुग्ला भन्न सकिन्न ।

भिडियो :