एक दिने कानुनी परामर्श कार्यक्रम सम्पन्न

नारी कोसिस डटकम/मंसिर–८, काठमाडौं । कागेश्वरी मनोहरा नगरपालिका वडा नम्वर नौ द्धारा आयोजित एक दिने कानुनी परामर्श कार्यक्रम सम्पन्न भएको छ । शनिवार काँडाघारीमा सम्पन्न भएको उक्त कार्यक्रम कागेश्वरी नगरपालिकाका मेयर कृष्णहरी थापाको प्रमुख आतिथ्यमा सम्पन्न भएको हो ।

समाजमा बढिरहेको हत्या हिसांलाई न्युनिकरण तथा स्थानीय जनतालाई सचेत गराउने उद्देश्यले आयोजना गरिएको उक्त कार्यक्रममा विभिन्न कानुनी व्यवसाय तथा अतिवक्ताहरुले घरेलु हिंसा, देवानी संहिता र स्थानीय ऐन सम्बन्धी प्रशिक्षण दिएका दिएका थिए ।

सर्वोच्च अदालतकी वैधानिक कानुनी अधिबक्ता शोभा कार्कीले महिला तथा घरेलु हिंसासम्बन्धी, कानुनी अतिवक्ता रामप्रसाद अर्यालले देवानी संहिता २०७४ अन्र्तगत विवाह सम्बन्धी र कानुनी अधिवक्ता रेनुका सिटौलाले स्थानीय ऐन सम्बन्धी प्रशिक्षण दिएको वडा अध्यक्ष कुन्दन खड्काले जानकारी दिनुभयो ।

सहभागी अधिवक्ताहरुले स्थानीय निकायमा उजुरी गर्न जाँदा समस्या परेको पैत्तिस दिन भित्रमा उजुरी गर्नुपर्ने बताएका छन् । आफ्नै गाउँ छिमेकमा आफ्ना समस्याहरु सहज रुपमा समाधान गर्न सकियोस् भनेर”स्थानीय ऐन -२०७४”  लागू भएको अतिवक्ता रेनुका सिटौलाले बताउनुभयो ।

नगरपालिकाका मेयर कृष्णहरी थापाले विकास  हुनु भनेको बाटोघाटो, खानेपानी, फोहोरमैला व्यवस्थापना मात्र नभई जनताको शान्ति सुराक्षा अमन चयन कायम हुनपर्छ भन्दै नगरपालिकाले  आम स्थानीय जनतालाई विभिन्न कानुन सम्बन्धी व्यवस्था भएको हक अधिकारको विषयमा पनि सचेत गराउन कार्यक्रमहरु ल्याउने बताउनु भएको छ ।

स्थानीय निकायमा बनेको मेलमिलाप समितिले न्यायीक समितिका लागि अत्यन्तै सहजकर्ताको भूमिका निर्वाह गरेको र कानुनका विषयमा नागरिक आफै सचेत भएमा स्वंयम सँगै भावी पुस्ताले पनि त्यसको लाभ लिन सक्ने सोही नगरपालिकाकी उपमेयर विन्दु पुडासैनी सिंमखडाको भनाई थियो ।

प्रत्येक वडामा गठन गरिएको मेलमिलाप समितिले स्थानीय कानुका वारेमा पूर्ण जानकारी प्राप्ता गरेमा धेरै समस्याहरु स्थानीय तहमै समाधान गर्न सकिने हुँदा यस्ता कार्यक्रमहरु हुन आवश्यक रहेको नगर कानुनी प्रवक्ता राजाराम पुडासैनीले बताउनुभयो ।

कार्यक्रममा नौ नम्वर वडा सदस्य कला घिमिरे, रामहरी गौतम, सारा पुर्कुटी, डोलाराज पोखरेल, लगायत अन्य  वडाका जनप्रतिधि तथा विभिन्न संघसंस्थाका प्रतिनिधिहरु अतिथिका रुपमा उपस्थित थिए ।

स्थानीय निकायको प्रत्येक वडा स्तरमा ५ जनाको मेलमिलाप समिति गठन गरिरएको हुन्छ । जसले स्थानीय समस्याहरु सुनी न्यायीक समितिसम्म पुर्याउने मध्यस्थकर्ताको रुपमा भूमिका निर्वाह गर्दछ ।