कागेश्वरी मनोहरा नगरपालिकाले गर्यो पाँच वडाको घर संख्या सार्वजजनिक, सवैभन्दा थोरै घर संख्या वडा पाँचमा !

नारी कोसिस डटकम /मंसिर–१३, काठमाडौ । कागेश्वरी मनोहरा नगरपालिकाको नौ वटा वडा मध्ये पाँच वटा वडाहरूको घर संख्या विवरण  सार्वजनिक गरिएको छ। नगपालिकाले शुरू गरेको  Metric System र Base Map   मा आधारित जनगणना २०७५ ले गरिएको पाँच वटा वडाको घर विवरण वुधावार सार्वजनिक गरिएको हो । सार्वजनिक गरिएको उक्त तथ्याङ्कमध्ये नौ नम्वर वडामा सवैभन्दा बढि घर संख्या (तिन हजार नौ सय चौध) रहेको छ भने सवैभन्दा थोरै वडा नम्वर पाँचमा (दुई हजार एक सय उनन् पचास )  रहेको छ ।

सार्वजनिक गरिएको वडाहरुको घर संख्या :

वडा नं ९: ३,९१४,

वडा नं ८ : २,६२५

वडा नं ७ : ३,८९७

वडा नं ६ : ३,५४३

वडा नं ५ मा  २,१४९

वाँकी चार वटा वडाको (१,२,३, ४) गणना भैरहेको नगर प्रमुख कृष्णहरि थापाले जानकारी दिनुभयो । २०६८ सालको तथ्यांक अनुसार नगरपालिकाको घर संख्या १४,२०० रहेको छ ।

नगर प्रमुख थापाका अनुसार २०७५ पौष मसान्त भित्र सबै वडाको तथ्यांक संकलन गर्ने कार्य सम्मपन्न भईसक्ने बताउनु भएको छ । साथै गणना भएका सवैको घर घरको गेट वा वालमा अस्थाई नम्बर लेखीएको छ /छैन हेर्न र लेखिएको छैन भने आफ्नो वडामा जानकारी गराई सहयोग गरिदिन आम वडावासीलाई अनुरोध समेत गर्नुभएको छ ।