टुँडिखेलमा तामाङ समुदायले मनाए सोनाम ल्होसार (फोटो फिचर )

नारी कोसिस डट कम /२२ माघ, काठमाडौं । तामाङ समुदायले माघ शुक्ल प्रतिपदाका दिन मनाउने सोनाम ल्होछार अर्थात् नयाँ वर्ष पर्व मंगलबार विविध कार्यक्रम आयोजना गरी मनाएको छ । यो २८५५औँ सोनाम ल्होछार हो ।

मञ्जुश्री पात्रो शुरु भएको २८५५औँ वर्ष भएकाले सोनाम ल्होछार पनि त्यति नै वर्ष भएको मूल आयोजक समितिले जनाएको छ । प्रत्येक वर्ष माघ शुक्ल प्रतिपदाका अवसरमा विभिन्न कार्यक्रम गरी सोनाम ल्होछार पर्व मनाइन्छ ।

यो तामाङ समुदायको लागि नयाँ बर्ष पनि हो । आज आफनै भेष भुषा झल्कने लुगा गरगहना लगाएर विभिन्न थरीका परिकार बनाएर खाने, एक अर्कामा आत्मियता साटासाट गर्ने र नाचगान गर्ने चलन पनि रहि आएको छ ।