“चौथो कागेश्वरी महोत्सव २०७५” भव्यताका साथ सम्पन्न… हेर्नुहोस् (भिडियोसहित)

नारीकोसिस डटकम /फागुन ८,  काठमाडौ ।  “चौथो कागेश्वरी पर्यटन महोत्सव २०७५” सम्पन्न भएको छ । कागेश्वरी मनोहरा नगरपालिकाले मंगलवार कागेश्वरी धाम परिसरमा आर्थिक सामाजिक, साँस्कृतिक, धार्मिक पर्यवरण विकासका लागि आयोजना गरेको उक्त महोत्सव वनमन्त्री शक्ति बस्नेतको प्रमुख आतितिथ्यमा सम्मपन्न भएको हो ।

मन्त्री वस्नेतले पर्यटन प्रर्वद्धनका लागि जलाधार क्षेत्रलाई संरक्षण गर्नुपर्ने र प्राकृतिक सम्पदाको विकासका लागि वृक्षरोपन गर्नुपर्ने बताएका छन् । साथै उनले वृक्षरोपन तथा संरक्षणमा  सहकार्यको लागि आफू तयार रहेको बताए ।

महोत्सवको “समग्र कागेश्वरी मनोहरा नगरपालिकाको पहिचान, पर्यटन प्रवर्धन र आर्थिक समृद्धिको हाम्रो अभियान” भन्ने मूल नारा रहेको छ ।

सो महोत्सवका अतिथिहरु तथा प्रतिनिधि सांसद, प्रदेश सांमसद,  स्थानीय जनप्रतिधिहरुले कागेश्वरीलाई पर्यटकिय क्षेत्र विकास गर्न आफूहरुको पूरा साथ रहेको बताए ।

कागेश्वरी मनोहरा नगपालिकाका वडा नम्वर -१, का वडा अध्यक्षले समग्र कागेश्वरीको आर्थिक, सामाजिक, साँकृतिक, समृद्धि र कागेश्वरी धामलाई पर्यटकिय क्षेत्र बनाउन प्रत्येक वर्ष महोत्सव गर्दै आएको बताए ।

महोत्सवमा ख्याति प्राप्त कलाकारहरुको बेजोड प्रस्तुति रहेको थियो । साथै स्थानीयले जातिय पहिचान झल्किने झाँकी प्रदर्शन गरेका थिए भने   कलाकार, विभिन्न स्कुलका विद्यार्थीहरुले सन्देशमूलक गीत तथा नृत्य प्रस्तुत गरेका थिए ।

हेर्नुहोस्  (भिडियो)