पहिरो खस्दा एक जनाको मृत्यु

नारीकोसिस डटकम/ फागुन १४, दार्चुला । मंगलवार बिहान पहिरो खस्दा नौगाड गाउँपालिका–४ सिप्टीका ३९ वर्षीय रघुवीरसिंह धामीको घटनास्थलमै मृत्यु भएको छ ।
खलङ्गाबाट व्यास क्षेत्रमा भेडाबाख्रा लिएर जान लागेका धामी सडकमाथिबाट आएको पहिरोमा परी मृत्यु भएको प्रहरीले जनाएको छ । नौगाड–४ का ३१ वर्षीय मानसिंह ठगुन्ना र वडा नं ३ का उधारो ठगुन्ना घाइते भएका छन् ।
घाइते उधारोको टाउकोमा चोट लागेको जिल्ला अस्पतालका स्वास्थ्य सहायक डम्मरदत्त भट्टले जानकारी दिए । मानसिंहको हातमा चोट लागेको छ ।
राति पानी परेका कारण पहिरो खसेको अनुमान गरिएको छ ।
तपाईको प्रतिक्रिया