सुदूरपश्चिमका पहाडी जिल्लाहरुमा हिमपात, जनजीवन प्रभावित
नारीकोसिस डटकम/फागुन १५, डडेल्धुरा । सुदूरपश्चिमका पहाडी जिल्लाहरु डडेल्धुरा, बैतडी, बझाङ, डोटी, बाजुरा र दार्चुलालगायत जिल्लाका उच्च लेकाली भेगमा वर्षासँगै हिमपात भएको छ । हिमपातले चिसो बढाएपछि जनजीवन प्रभावित भएको हो ।
हिउँ जमेको र जाडो बढ्न थालेकाले घरबाहिरको काम गर्न स्थानीयलाई समस्या भएसँगै हिमपातका कारण बढेको चिसाले विशेषगरी वृद्ध–वृद्धा, बालबालिका तथा गरिखाने वर्ग प्रभावित भएका छन् ।
जिल्लाको उच्च लेकाली भागको अनारखोली, भालुमारे, साहुखर्क, हगुल्टेलेक, महाभारत लेकका विभिन्न स्थानमा हल्का हिमपात भइरहेको स्थानीयले बताएका छन् ।
तपाईको प्रतिक्रिया