चाडपर्व साझा सम्पत्ति, ल्होसारले नेपाल र नेपालीबीच पारस्परिक सम्बन्धः राष्ट्रपति भण्डारी
नारीकोसिस डटकम/फागुन २३, काठमाण्डौं । राष्ट्रपति विद्यादेवी भण्डारीले शेर्पालगायत बौद्ध धर्मावलम्बीले मनाउने महान् पर्व नयाँ वर्ष ‘ग्याल्बो ल्होसार’को अवसरमा शुभकामना दिँदै ग्लाल्बो ल्होछारले नेपाल र नेपालीबीच पारस्परिक सम्बन्ध कायम गराउने प्रमुख सांस्कृतिक पर्व भएको बताईकी छन्।
विशेष गरी शेर्पा समुदायले मनाउने ग्याल्बो ल्होसारको अवसरमा शुभकामना सन्देश दिँदै स्वदेश तथा विदेशमा रहेका सम्पूर्ण महायानी बौद्ध धर्मावलम्बी समुदायको सुख, शान्ति, समृद्धि, सुस्वास्थ्य र उत्तरोत्तर प्रगतिका लागि शुभकामना व्यक्त गरेकी हुन् ।
नेपाल बहुजाती, बहुभाषी, बहुसंस्कृति तथा बहुपरम्परा लगायतका विविधताले भरिएको नेपाली समाजका यस्ता चाडपर्व साझा सम्पत्ति भएको बताउदै नेपाल र नेपालीबीच बन्धुत्व र पारस्परिक सम्बन्ध बढाउनाका साथै एकार्काको संस्कृतिको सम्मानसहित आपसी एकता, सद्भाव र सहिष्णुतालाई अक्षुण्ण राख्न सघाउ पुग्ने विश्वास व्यक्त गरिन् ।
तपाईको प्रतिक्रिया