निद्रा पुगेको कसरी थाहा पाउने ?

नारीकोसिस डटकम/ निद्रा पुगे नपुगेको व्यक्ति स्वयमले थाहा पाउनुपर्छ र पाउँछ पनि । त्यो कसरी भने आफ्नो कामको प्रकृति अनुसार दिनमा वा रातमा जहिले पनि सुत्न सक्छ ।

सुतेर उठ्दा आफूलाई आराम भएको र ताजा महसुस भएको छ भने निद्रा मस्त लाग्यो । आजको लागि निद्रा पुग्यो भनेर जाने हुन्छ । यदि आफ्नो सुताइको अवधिभर सुतेर उठ्दा अल्छी लागेजस्तो भयो, अझै सुतुँ सुतुँ भयो, शरीरमा ताजकी आएन भने मस्त निदाउन सकिएन । शरीरले अझै आराम खोज्दै छ भन्ने बुझ्नुपर्छ । यदि मस्त निद्रा परेको छ भने शरीर हल्का लाग्छ, मन प्रसन्न हुन्छ । निद्रा नपुगेको शरीरमा भारीपन हुन्छ र मन पनि निराश र खिन्न हुन्छ ।
महालक्ष्मी आचार्य