विराटनगरमा मोटरसाइकल चोरीमा संलग्न ५ जना पक्राउ
नारीकोसिस डटकमम/चैत १९, विराटनगर । विराटनगर महानगरपालिका क्षेत्रबाट विभिन्न समयमा चोरी भएका पाँच थान मोटरसाइल चोरीमा संलग्न भएको आरोपमा पाँच जनालाई पक्राउ गरी आज यहाँ जिल्ला प्रहरी कार्यालय मोरङले सार्वजनिक गरेको छ ।
पक्राउ पर्नेमा सिरहा लहान नगरपालिका–६ का घर भई विराटनगर–४ बस्ने विजयकुमार यादव, वुर्जु गाउँपालिका घर भई विराटनगर–५ वरगाछी बस्ने मनोजुकमार चौधरी, विराटनगर–१४ का अनुज यादव र सोही स्थानका सोनेलाल महतो तथा सिरहा नगरपालिका–२२ का सुनिल यादव रहेका छन् ।
मोटरसाइकलको रङ परिवर्तन गर्न प्रयोग गरिने स्प्रेहरू, मोटरसाइकलका पार्टपूर्जा, मोटरसाइकलको नम्बर प्लेट लगाएत सामाग्रीहरू समेत बरामद भएको जिल्ला प्रहरी कार्यालय मोरङका एसपी मनोजकुमार केसीले जानकारी दिनुभयो ।
प्रहरीले को३५प ९७६३, को२५प ५२५१, को२८प ४९७४, को३५प ३१२० र नम्बर प्लेट बिनाको पार्टपुर्जा खोलिएको एक थान मोटरसाइकल पनि बरामद गरेको छ ।
पक्राउ परेका विजयकुमार यादव विराटनगरमा एमबीबीएस अध्ययरत विद्यार्थी भएको पनि प्रहरीले जनाएको छ । मनोज कुमार चौधरी एक मिडिया हाउसका फोटो तथा भिडियो पत्रकार हुन् ।
पक्राउ परेकालाई मुलकी फौजदारी अपराध ९संहिता० २०७४ को चोरी कसुरअन्तर्गत मोरङ जिल्ला अदालतबाट म्याद लिई आवश्यक अनुसन्धान थालिएको छ ।
तपाईको प्रतिक्रिया