जागरण महिला अभियानद्धारा आयोजित “सकारात्मक सोच” जनचेतनामूलक कार्यक्रम सम्पन्न
नारीकोसिस डटकम/चैत २२, काठमाडौं कागेश्वरी मनोहरा नगरपालिकाको सहकार्यमा जागरण महिला अभियानद्धारा आयोजित एक दिने जनचेतनामूलक कार्यक्रम सम्पन्न भएको छ । संस्कारयुक्त पारिवारिक एवं सामाजिक रुपान्तरणका लागि सकारात्मक सोच विषयक प्रशिक्षण कार्यक्रम सनसिटी पार्टी प्यालेस काँडाघारीमा सम्पन्न भएको हो ।
उक्त कार्यक्रममा सकारात्मक सोचको विकास गरी आफ्नो घर देखि समुदायसम्मको वातावरण सरसफाईमा थप सहयोग पुगोस भन्ने उद्देश्यले आयोजना गरिएको सस्थाकी अध्यक्ष जानकी ऐरीले बताइन् । यस कार्यक्रमको प्रशिक्षण मनोविद रविन कटुवालले दिएका थिए ।
कार्यक्रममा नगर प्रमुख कृष्णहरी थापाले नगरपालिका समाजको विकास निर्माण कार्यकालागि अनवरत रुपमा लागि परिरहेको र सबैमा सकारात्म सोचको विकास भएमा थप सहयोग पुग्ने बताए ।
त्यसैगरी कार्यपालिका सदस्य तथा संस्थाकी पूर्व अध्यक्ष कला घिमिरेले समाजका प्रत्येक व्यक्तिमा सकारात्मक सोचको विकास भएमा समाज रुपान्तरणमा त्यसले ठूलो भूमिका निर्वाहा गर्ने बताइन् ।
प्रशिक्षण कार्यक्रममा विभिन्न संघसस्थाका लगाएत स्थानीय वासीको उत्साहजनक सहभागिता रहेको थियो ।
तपाईको प्रतिक्रिया