राष्ट्रपति नेपाल एयरलाइन्सको विमानमा चीनको सियान पुगिन्

नारीकोसिस डटकम/वैशाख ११, काठमाडौं । राष्ट्रपति विद्यादेवी भण्डारी बुधबार नेपाल वायु सेवा निगमको जहाज चढेर चीनको सियान पुगेकी छन् ।

राष्ट्रपतिसँगै परराष्ट्रमन्त्री प्रदीप ज्ञवाली, प्रदेश ३ का मुख्यमन्त्री डोरमणि पौडेल पनि चीन भ्रमणमा सहभागी भएका छन् । सियानबाट राष्ट्रपति भण्डारी चीनको राजधानी बेइजिङ जाने कार्यक्रम छ ।

राष्ट्रपति भण्डारी शुक्रबारदेखि ३ दिनसम्म हुने बेल्ट एन्ड रोड इनिसिएटिभ बीआरआईको दोस्रो शिखर सम्मेलन हुन चीन भ्रमणमा गएकी हुन् ।

भ्रमणका क्रममा दुवै देशका राष्ट्रपतिबीच उच्चस्तरीय वार्ता हुने र केही सम्झौतामा हस्ताक्षर हुने बताइएको छ । चीन भ्रमणका क्रममा राष्ट्रपति भण्डारीले तिब्बतको राजधानी ल्हासाको पनि भ्रमण गर्ने कार्यक्रम छ ।