माइती पक्षको आरोप: ज्वाइँ र सम्धिनीले छोरी जलाएको
नारीकोसिस डटकम/वैशाख १३, लहान । सिरहाको कल्याणपुर नगरपालिका–८ औरँग टोलकी २० वर्षीया कञ्चन मण्डल (खत्बे) लाई शरिरमा मट्टीतेल खन्याएर आगो लगाई जलाइएको छ ।
सासू र श्रीमान मिलेर मट्टीतेल खन्याएर आगो लगाइदिएको माइती पक्षको आरोप छ ।
सम्बन्ध विच्छेद गराउँनका लागि बिहेमा भएको तीन लाख खर्च फर्काउन भनेका थियौं छोरीलाई यो हाल गर्ने दानवलाई हदैसम्मको कारबाही होस् । तीन लाख खर्चेर छोरी सुखसयलमा बाँचोस भन्ने ठानेर विवाह गरिदिएको थिए कञ्चनको बुवा रामलोचनले बताए ।
घटनापछि कञ्चनको श्रीमान बेचन फरार छन्। प्रहरीले उनकी सासूलाई नियन्त्रणमा लिएर अनुसन्धानअघि बढाएको इलाका प्रहरी कार्यालय मिर्चैयाका डिएसपी सुकदेव खनालले बताए।
बिहिबारै धरानबाट काठमाडौंका लागि रेफर गरिएपछि कञ्चनको बुवा रामलोचन शुक्रबार बिहान एम्बुलेन्स मार्फत थप उपचारका लागि काठमाडौं ल्याएका छन। कञ्चनको अहिले कीर्तिपुर अस्पतालमा उपचार भइरहेको रामलोचनले बताए। उनको शरिरको अधिकांश भाग जलेको छ।
तपाईको प्रतिक्रिया