“खुशी बाँडे खुशी बढ्छ “अभियान कार्यक्रम उदघाटन
१५ बैशाख , काठमाण्डौं । दिपश्री क्रियटिभ मिडियाद्धारा आयोजित “खुशी बाँडे खुशी बढ्छ ” अभियान कार्यक्रम औपचारीक रुपमा उद्घाटन भएको छ । उक्त मिडियाले आइतबार कालिमाटिमा एक औपचारीक कार्यक्रम संचालनगरी सो अभियानको उद्घाटन गरेको हो । महिलाहरुलाई लक्षित गरी संचालन गर्न लागेको सो अभियानले महिलाहरुको क्षमताको विकासगरी आत्मा निर्भताको बाटो तर्फ उन्मूख गराउनु प्रमुख उदेश्य रहेको मिडियाका अध्यक्ष पुरुषोत्तम लामिछानेले बताए ।
समाजसेवी तथा उधोगपति सुमित केडियाले हामीले जीवनमा अघि बड्न हार मान्नु हुदैन र इच्छा शक्ति भयो भने हामी समस्या सँग लडेर अघि बडन सक्छौ भनि महिला दिदिबैनिहरुलाई आफनो क्षमताको विकास गरी अघि बड्न आग्रह गरे । यसैगरी कार्यक्रममा उषाका जापान नामक संस्थाका सदस्य डा.हिरोको साकाकाईले नेपालका महिलाहरु धेरै मेहनती र परिश्रमी भएको प्रशंसा गर्दै उनिहरुका लागि शिक्षा, स्वास्थ्थ र क्षमता मूलक तालिम दिई आत्मा निर्भर बनाउन सके विकासमा धेरै टेवा पुग्ने बताए ।
दिपश्री क्रियटिभ मिडियाले विगत दश वर्ष देखि महिलाहरुलाई विभिन्न किसिमका क्षमता मूलक तालिमहरु दिदै आइरहेको र सामाजिक काममा पनि उत्तिकै सहभागिता जनाइ थुप्रै उपलब्धीहरु हासिल गरेको साथै यस अभियानले महिलाहरुलाई आर्थिक रुपमा सवल हुन थप टेवा पुग्ने मिडियाका निर्देशक दिपक लामिछानेले वताए ।
उक्त कार्यक्रममा उषाका जापनका डा.हिरोका साकाई , प्रोफेसर डा. काजु ओनो र सोहि संस्थाका अध्यक्ष प्रकाश आचार्यलाई आर्थिक समृद्धिका लागि सामाजिक क्षेत्रमा अतुलनिय योगदान पुर्याए वापत सम्मानित पनि गरिएको थियो ।
राजु प्रसाद लामिछानेको अध्यक्षतामा संचालन गरेको उक्त कार्यक्रममा विभिन्न संघ संस्थाका प्रतिनिधिहरु अतिथिको रुपमा उपस्थित थिए ।
तपाईको प्रतिक्रिया