सासुको ममतामा बाँचेकी कमलाको जीवनकथा

निर्मला सापकोटा सञ्जेल/सुनिता तामाङ, काठमाडौं । कमलाले २३ वर्षको उमेरमा विवाह गरिन् । २६ वर्षकी हुँदा पहिलो सन्तानको रुपमा छोरा जन्माइन् । छोरा जन्माएको १८ दिन वित्न नपाउदै उनले आफ्नो २९ वर्षिय श्रीमान गुमाइन्। विवाह भएको ३ वर्ष पश्चात आफ्नो पहिलो सन्तान जन्माएको खुशी साट्न नपाउदै उनका दु:खका दिनहरु सुरु भए । पहिलो सन्तान जन्माउदाको खुशी साट्ने सौभाग्य दुवै दम्पतीले पाएनन् ।  श्रीमान वितेर गए तर कमलाको लागि त्यो क्षण जीवनमा कहिले निको नहुने घाउ बन्यो । तर पनि दु:खलाई आत्मासाथ गरी जीवनमा आइपर्ने समस्याहरुलाई सामाना गर्दै धैर्यताका साथ अघि बढिरहेकी छिन् कमला ।

कमला ढकाल चौलागाई नेपालको पूर्वी जील्ला मोरङको सलकपुरमा  सुखी र शिक्षित परिवारमा जन्मी हुर्केकी हुन् । उनको वैवाहिक सम्वन्ध तथा नयाँ जीवनको सुरुवात पनि सुखी र शिक्षित परिवारबाट नै भएको थियो। उनको आफ्नो व्यक्तिगत, पारिवारिक तथा वैवाहिक सम्बन्ध खुशी साथ अघि बढीरहेको वेला अचानक उनलाई समय र परिस्थिति वश ठूलो बज्रपातले हान्यो । अनि विस्तारै उनका जीवनले नयाँ मोड लियो । बाइट

हाम्रो  जीवनमा अघि बढ्न र सफलता हाँसिल गर्न पारिवारिक साथ सहयोग पनि  उत्तिकै महत्वपूर्ण हुन्छ । जसअनुरुप सहनशील  भई बाँच्न   र  यसै  पिडामा मलमपट्टि लगाउन परिवारबाट  ठूलो सहयोग मिल्यो कमलालाई । त्यसैले उनले केही हदसम्म पिडालाई कम गर्ने आधार पाइन् ।  घरपरिवार र सासुबाट आमाको जस्तो मायाममता पाएको उनी वताउछिन् । बाइट

कमलाको सासु भन्छिन् हाम्रो अहिलेसम्म झगडा भएको छैन र जव छोरा वित्यो त्यसपश्चात नाती नहुर्किन्जेलसम्म हामी सासुबुहारी सँगै सुत्यौं । बाइट

अझै पनि हाम्रो नेपाली समाजमा त्यतिधेरै फराकिलो सोचको विकास भइसकेको अवस्था छैन । महिलाप्रति हेर्ने दृष्टिकोण झन साँघुरो छ । जसको उदाहरणहरु नेपाली समाजमा बग्रेल्ती भेटिन्छन् । साथै सामाजिक संसचनाको उपजका कारण कतिपय सम्वन्धहरुमा झैझगडा कलह उत्पन्न भई सम्बन्धहरु टुटेका पनि धेरै छन् । जस्तै उदाहरणको लागि सासुबुहारी विचको सम्बन्धलाई लिन सकिन्छ । समाजमा सासुबुहारीविचको सम्बन्ध  त्यति वलियो र स्थापित भएको खासै पाइँदैन । तर कमलाको सासुबुहारीबिचको सम्बन्ध सोचेभन्दा धेरै बलियो छ । १८ दिनको सुत्केरी अवस्थामा श्रीमानको मृत्युले मरेतुल्य बनेकी कमलालाई आफ्नाी ममतामयी सासुले माया ममता दिएर जीवनमा अघि बढ्न साहस प्रदान गरिन् । यस्तो साहसता बढाउने सासु सायद थोरैले मात्र पाउछन् । बाइट।।।

कमलाले एक्लो जीवन विताइरहदा उनलाई विवाहको प्रस्ताव पनि नआएको होइनन् । तर आफनै श्रीमानको माया छातीभरी अथाहा बोकेकी उनले अर्को विवाह गरेर पनि यस्तै घटना नदोहोरिएला भन्न सकिन्न भन्दै दोस्रो विवाहलाई अस्विकारी गरीन् र ममतामयी आमा साथै सहनशील नारीको परिचय दिइन् ।अव उनको लक्ष्य भनेको आफ्नो छोरालाई राम्रो शिक्षादिक्षा दिएर ठूलो मान्छे बनाउने वाहेक अर्को सपना छैन । बाइट।

एक्लो जीवन, साथमा  पारिवारिक  घर व्यवहार धान्दै यहाँसम्म आउन सफल  भएकी कमलाको श्रीमान वित्दा १८ दिनको रहेको छोरा अहिले १६ वर्षको भएका छन्। एस. ई.ई. को परिक्षा दिएर आँफै पढ्ने स्कुलमा काम पनि गर्न थालिसकेका छन् । हामीले संस्कार घरबाट दिने हो । यदि घरबाट आफ्नो वालवालिकालई राम्रो संस्कार दिन सकेमा अज्ञानी र कुलतमा फस्नबाट जोगाउन सकिन्छ । कमला आफ्नो छोरालाई ज्ञानीको संज्ञ दिन्छिन् ।

हरतरह आफ्नो दुखहरु झेल्दै आफ्नो छोरालाई एस।ई।ई। सम्म पढाएकी अतितलाई सम्झिदै भक्कानिदै भन्छिनर्् छोराले पढन चाहेको विषयमा राम्रो कलेजमा आर्थिक सहयोग पाई पढाउन अवसर पाए म आफनो श्रीमानको यादहरु उसले बनाएको उज्यालो भविश्यलाई हेरी चित्त बुझाउथे र त्यति मेरा सपनामा म यो जीवनलाई सार्थक बनाउथे ।

काठमाडौको गोठाटार वडा नम्बर नौ मा बस्दैआरहकी कमला विगत ६ वर्षदेखि विशेष स्कुल तथा पुनस्र्थापना केन्द्रमा शिक्षकको रुपमा कार्यरत छिन् । त्यसैवाट पारिवारिक घरव्यहार चलाउदै आइरहेकी छिन् ।उनको साथमा अहिले छोरा र सासुसहित गरी तीनजना छन् ।

हामीले अतितलाई बदल्न सक्दैनौ तर वर्तमानलाई राम्रो बनाउदै उज्यालो भविष्यको कल्पना अवश्य गर्न सक्छौं । यसै अनुरुप मानिसको जीवनमा आईपर्ने भावनात्मक दुख पिडालाई भुलाउन घरपरिवारले  सहजता दिने हो भने समस्याहरु सहजै सामाना गर्न सकिन्छ भन्ने यो  उदाहरणीय प्रयासका साथ अघि बढिरहेको कमलाको जीवनकथाले  देखाउछ । एउटा पुरुष नारी विना अर्पूण छ तर पूरुष विना नारीले पूर्ण भएर जीवन विताउन सक्छन्   हामी यस्ता उदाहरणीय सर्घषशील नारीलाई सम्मान गरौ । नारीकोसि अनलाईन समाचारको लागि क्यामरापर्सन  साथ सुनिता तामाङका साथमा  निर्मला सापकोटा सन्जेलका काठमाडौं ।