आँधीहुरी प्रभावितलाई सहयोग
नारीकोसिस डटकम/वैशाख २५, वीरगञ्ज । आँधी प्रभावित बाराको फेटा गाउँपालिका १ टोल भरवलीया कम्बल र भाँडा वितरण गरिएको छ ।
एआईपीपी थाइल्याण्डको सहयोगमा राष्ट्रिय आदिवासी जनजाति महिला महासंघ बुद्धनगर काठमाडौंले राहत वितरण गरेको हो ।
आँधी प्रभावित ४ सय परिवारलाई प्रतिपरिवार एउटा कम्बल र डेक्ची वितरण गरिएको राष्ट्रिय आदिवासी जनजाति महिला महासंघकी अध्यक्ष चिनिमाया माझीले जानकारी दिइन् ।
उनले हावाहुरीले घरबारबिहीन बनेका र आफन्त गुमाएकालाई सबैले सहानुभूति र सहयोग गर्नुपर्ने बताइन् ।
चैत १७ गते आएको हावाहुरीबाट बारा र पर्सा जिल्लामा २९ जनाको मृत्यु भएको थियो भने १४ सय ५३ जनाको घर पूर्णरुपमा क्षति भएको प्रारम्भिक तथ्याङक छ ।
तपाईको प्रतिक्रिया