यो मेला ककनी गाउँपालिका–१, रानीपौवा बजारमा दिवगंत पोष्टबहादर बोगटीको सम्झनामा शनिबारदेखि सुरु भएको हो । सो मेलाको उद्घाटन पूर्वप्रधानमन्त्री एवं नेपाल कम्युनिष्ट पार्टी (नेकपा) का अध्यक्ष पुष्पकमल दाहाल ‘प्रचण्ड’ले विद्युतीय उपकरणमार्फत मकै छोडाएर मेलाको उद्घाटन गर्नुभएको हो । मेलाको उद्घाटन कार्यक्रमलाई सम्बोन्धन गदै दाहालले मुलुकलाई समृद्धिको मुख्य आधार कृषि भएकाले जवसम्म कृषिलाई आधुनिकिकरण, व्यवसायीकरण तथा रोगार, उत्पादन बृद्धिका लागि कृषिमा आधाति उद्योगहरु स्थपना गर्ने वातवारण सृजना गर्न सकिदैन तव सम्म आम नेपालीले देखेको समृद्ध नेपाल र सुखी नेपालीका आकाक्ष पूरा नहुने भएकोले सम्पूर्ण जनता तथा सवै राजनीतिक शक्तिहरु मिलेर विकासलाई गति दिनुपर्ने बताउनभयो । बाृइट…

मेलालाई सम्बोन्धन गर्दै नेकपाका नेता पम्फा भुसाल, प्रतिनिधिसभा सदस्य हितबहादुर तामाङ, नारायणप्रसाद खतिवडा, प्रदेससभा सदस्य केशवराज पाण्डे, बद्रीप्रसाद मैनाली लगायतले दिवङ्गत नेता बोगटीले कृषकको अधिकार स्थापना र विकासका लागि कृषि उत्पादनमा जोड दिनुपर्ने अभियानमा पुर्‍याएको योगदानको स्मरण गर्नुभयो । बाृइट…

मेलाको अवलोकन गर्न पहिलो दिन पूर्वमन्त्री जनार्दन शर्मा, अग्निप्रसाद सापकोटा, प्रदेश नं ३ का उपसभामुख राधिका तामाङलगायतका स्थानीय जनप्रतिनिधिहरुको सहभागीता रहेको थियो ।

पूर्वमन्त्रीसमेत रहनुभएका तत्कालीन नेकपा (माओवादी) का केन्द्रीय उपाध्यक्ष तथा अखिल नेपाल किसान महासङ्घको केन्द्रीय अध्यक्ष पद समाहाली कृषि क्षेत्रमा योगदान पुर्‍याउनुभएका पोष्टबहादुर बोगटीको वि.सं २०७१ भदौ ३० गते हृदयाघातका कारण निधनको भएको थियो । उहाँको योगदानको सम्मान गदै उहाँले पुर्‍याउनुभएको योगदान जनस्तरसम्म स्थापित गराउन पार्टीले विसं २०७२ असोज २८ गते ‘पोष्टबहादुर बोगटी स्मृति प्रतिष्ठान’ गठन गरेको थियो ।

पाँच दिनसम्म चल्ने यो मेलामा नुवाकोटका पहिचान झल्कने नुवाकोटका १२ वटै स्थानीय तहले  स्थानीय उत्पादनहरु  प्रदर्शनीमा राखिएका छन् ।

मेलामा विशेष गरी  आकर्षकका रुपमा स्ट्रबेरी, ट्राउट माछा, पिँडालु, आलु, किम्ताङको अर्गानिक चिया, कफी, अलैची लगायत विभिन्न जातका तरकारी र अन्नबाली लगायत बाख्रा, बोयर र जमुनापारी जातका बोका, खसी प्रदर्शनीमा राखिएको छ । साथै मेलामा कृषि औजार, यान्त्रिकीकरण, तरकारी एवं फलफूलको बीउ, बिरुवासमेत प्रदर्शनीमा राखिएका छन् ।

उत्पादनको हिसावले ट्रउट माछा र स्टोबेरी नुवाकोट प्रसिद्ध मानिन्छ ।

कृषक तथा स्थानीय उत्पादनलाई बजारीकरण तथा व्यवसायीकरण गर्न यस्तै  कार्यक्रमहरुको आयोजनाले   कृषकहरुलाई उत्प्रेरित गराईरखेमा कृषि विकासले छिटो गति लिने देखिन्छ ।