विप्लव समुहका कार्यकर्ताले सुर्खेतमा यात्रु बस जलाए

कोशिस मल्टिमेडिया
६ वर्ष पहिले
विप्लव समुहका कार्यकर्ताले सुर्खेतमा यात्रु बस जलाए

नारीकोसिस डटकम/जेठ १३, सुर्खेत । विप्लव समूहका कार्यकर्ताले पूर्वी सुर्खेतको गोचेखोलामा यात्रु बसमा आगजनी गरेको छ ।

गुर्भाकोट नगरपालिका–१४ को गुमीबाट छिन्चु आउँदै गरेको ना २ ख ७४४४ नम्बरको बसमा विप्लव समूहका कार्यकर्ताले सोमबार बिहान आगजनी गरेका हुन् ।

हतियारसहित आएका विप्लवका कार्यकर्ताले आइतबार राति साढे एक बजेतिर बसका स्टाफ र सबै यात्रुहरुलाई ओरालेर आगजनी गरेका थिए ।

आगजनीबाट बस पूर्णरुपमा क्षति भएको जिल्ला प्रहरी कार्यालय सुर्खेतका प्रवक्ता प्रहरी नायब उपरीक्षक प्रदीपबहादुर क्षेत्रीले जानकारी दिए । बस आगजनी भएको ठाउँ नजिकै शंकास्पद वस्तु पनि फेला परेको थियो ।

तपाईको प्रतिक्रिया