छैटौं अन्तर्राष्ट्रिय महिनावारी स्वच्छता दिवसः खानेपानी मन्त्रालयमा स्यानिटरी प्याड भेन्डिङ मेसिन

कोशिस मल्टिमेडिया
६ वर्ष पहिले
छैटौं अन्तर्राष्ट्रिय महिनावारी स्वच्छता दिवसः खानेपानी मन्त्रालयमा स्यानिटरी प्याड भेन्डिङ मेसिन

नारीकोसिस डटकम/जेठ १४, काठमाडौं । खानेपानी मन्त्रालयले छैटौं अन्तर्राष्ट्रिय महिनावारी स्वच्छता दिवसको अवसरमा महिलाहरुले प्रयोग गर्ने स्यानिटरी प्याड भेन्डिङ मेसिनको सुरुवात गरेको छ ।

खानेपानी मन्त्री बिना मगरले मन्त्रालयको भवनबाटै स्यानिटरी प्याड भेन्डिङ मेसिनको सुरु गरेकी हुन् ।

दुई रुपैंयाको सिक्का हालेपछि उक्त मेसिनबाट प्याड आफैं निस्किन्छ । मन्त्रालयमा कार्यरत महिला कर्मचारीहरु र काम विशेषले आउने जो कोही महिलाहरुले समेत उक्त प्याड प्रयोग गर्न सक्नेछन् । मन्त्रालयको महिला शौचालयमा प्याड मेसिन जडान गरिएको छ ।

मेसिनको शुरुवात गर्दै मन्त्री मगरले यस्तो प्रविधिको मेसिन विभिन्न सार्वजनिक शौचालयहरुमा राख्ने बताइन् । मन्त्री मगरले महिलाहरुलाई महिनावारीको समयमा समस्या नपरोस् भन्ने उद्देश्यले मन्त्रालयको भवनमा स्यानिटरी प्याड भेन्डिङ मेसिनको सुरुवात गरेको बताइन् ।

मन्त्रालयले महिला तथा बालबालिका मन्त्रालयको भवनमा समेत स्यानिटरी प्याड भेन्डिङ मेसिन जडान गरेको छ ।

तपाईको प्रतिक्रिया