मैले गर्न सक्दिन भन्ने मानसिकतालाई कसरी जित्ने ?
मैले गर्न सक्दिन भन्ने मानसिकताले जित्यो भने मान्छे जीवनमा जहाँको त्यही रहन्छ ।
मैले गर्न सक्दिन भन्ने मानसिकतालाई कसरी जित्ने ?
सबैभन्दा पहिले त आफ्नो लक्ष्य सम्झनुहोस् । व्यक्ति अरुले दिएको प्रेरणाले होइन, आफूभित्रको उत्प्रेरणाले अगाडी बढ्छ । त्यसैले आफ्नो लक्ष्य र योजनालाई पल्टाएर हेर्नुहोस् ।
आफ्ना क्षमता र कमजोरीहरु टिपोट गर्नुहोस् । ती क्षमतालाई तपाइले कसरी प्रयोग गर्न सक्नुहुन्छ र आफ्ना कमजोरीलाई कसरी सुधार्न सकिन्छ, कसरी ती कमजोरीलाई आफ्नो क्षमताले जित्न सकिन्छ भन्ने बारेमा डायरीमा नै लेख्नुहोस् ।
आफूले अहिलेसम्म कुन-कुन चुनौतीका सामना गरे, अप्ठ्यारा लागेका कुन- कुन काम गर्न सफल भए, भन्ने सम्झनुहोस् । ती चुनौतीका सामना गर्दा तपाइले कुन तरिका अपनाउनुभएको थियो, तपाईलाई कुन- कुन कुराले सहयोग मिल्यो स्मरण गर्नुहोस् ।
आफूले गर्नुपर्ने काम या आएको चुनौतीलाई एकैपटक गर्ने नगर्नुहोस् । त्यसको लागि चाहिने आधार निर्माण गर्नतिर लाग्नुहोस् । पूर्वतयारी गर्नतिर लाग्नुहोस् । पूर्वतयारीले तपाईले सम्भावना देख्न थाल्नुहुन्छ । पूर्वतयारीमा त्यो कामको बारेमा इन्टरनेट, पुस्तक या अन्य माध्यमबाट अध्ययन गर्नु, सम्बन्धित व्यक्तिहरुको सुझााव सल्लाह लिनु पनि पर्दछन् ।
जोकोही पनि कामलाई एकैपटक एउटा पहाडको रुपमा लिन थाल्यो भने पहिल्यै अत्तालिन्छ । त्यसैले गर्नुपर्ने कामलाई सानो- सानो भागमा बाँड्नुहोस । ती काम एक पछि अर्को गर्दै गरेर अगाडी बढ्नुहोस् । सुरुको एउटा सानो काम बन्यो भने पनि तपाईमा आत्मविश्वास र उत्साह बढ्छ ।
फर्केर हेर्नुहोस्, तपाई कहाँ हुनुहुन्थ्यो र अहिले कहाँ हुनुहुन्छ ? यो यात्रा तपाइले यत्तिकै पूरा गर्नु भएको होइन । तपाइको निरन्तरता, गल्तीपछि सिकेका पाठ र अनुभवहरुले यहाँसम्म आइपुग्नुभएको हो । र अबको यात्रा पनि त्यही अनुभवको आत्मविश्वासका साथ तय गर्नुहोस् ।
तपाईको प्रतिक्रिया