व्यक्तिको योग्यताको आधारमा काम र तोकिएको मापदण्ड अनुसारको श्रम ज्याला दिलाउँछुः नगर प्रमुख कृष्णहरी थापा

नारीकोसिस डटकम/जेठ २२, काठमाडौं । कागेश्वरी मनोहरा नगरपालिकाका नगर प्रमुख कृष्णहरी थापाले व्यक्तिको योग्यताको आधारमा  काम र तोकिएको मापदण्ड अनुसारको श्रम ज्याला दिलाउने बताउनुभएको छ । नगरपालिकाले बुधबार डाँछीमा आयोजित प्रधानमन्त्री रोजगार कार्यक्रम सम्बन्धी अभिमुखिकरण कार्यक्रमलाई सम्बोधन गर्दै नगरप्रमुख थापाले बेरोजगारहरुलाई १०० दिनको रोजगार आगामी आर्थिक वर्ष २०७६/०७७ देखि नै कार्यन्वयनमा ल्याउने  बताउनुभएको हो ।

नगरपालिकाले  बेरोजगारी तथा इच्छुक शिक्षक शिक्षिकाहरुलाई समुदायिक विद्यालयहरुमा पढाउन लगाउने र रोजगारी दिदाँ पनि शिक्षालाई नै पहिलो प्रथामिकता दिई रोजगार दिने र नगरपालिकाभित्र रहेका शैक्षिक संस्थाहरुमा श्रम शोषणका गुनासो आईरहेको बताउँदै सबै विद्यालयहरुको अनुगमन गरी श्रमिकले पाउनुपर्ने पारिश्रमिक दिलाई रोजगार दिने नगर प्रमुख थापाले बताउनुभयो ।

कार्यक्रममा स्थानीय जनप्रतिनिधि तथा स्थानीय रोगारको लागि आवेदन दिएकाहरुकाविच सहभागीतामा अन्तरक्रिया भएको थियो ।

सहभागीहरुले आफ्नो क्षमता र योग्यताको आधारमा रोजगार दिनुपर्ने र १०० दिनको मात्र काम दिएर नहुने भन्दै १०० दिन काम गरेपछि विकल्पमा के गर्ने भन्ने लगायत विभिन्न विषयमा जिज्ञासा राखेको थिए ।

सरकारले “प्रधानमन्त्री रोजगार कार्यक्रम”  सञ्चालन गरी वेरोगार तथ्याङ्क संकलन गरिएको थियो । सो तथ्याङ्क तथा व्यक्तिको विवरणको आधारमा सरकारले रोजगार दिने भनिएको छ ।