स्व. राम्री तामाङको तेश्रो वार्षिकिको सन्दर्भमा आयोजित स्वास्थ सचेतना तथा सम्मान कार्यक्रम सम्पन्न
नारीकोसिस डटकम/जेठ २६, काठमाडौं । शेरा स्मृति स्वास्थ्य शिक्षा प्रटिष्ठान दिवगत राम्री तामाङको तेश्रो वार्षिकिको सन्दर्भमा आयोजित स्वास्थ सचेतना तथा सम्मान कार्यक्रम सम्पन्न भएको छ ।
उक्त कार्यक्रम आइतवार बालाजूमा सभामुख कृष्ण बहादुर महराको प्रमुख आतिथ्यमा सम्पन्न भएको हो ।
सोही अवसरमा प्रतिष्ठानले नुवाकोटका तिन जना खेलाडिलाई नगद सहित सम्मान गरेका छन् ।
सम्मानित हुनेहरुमा ओलम्पियन संगिना बैद्य, रेस्लर कमल तामाङ, नुवाकोटे टाइगर कराँते खेलाडि प्रदिप थापा रहेका छन् । उनीहरुलाई सभामुख कृष्णबहादुर महरा र पूर्व युवा तथा खेलकुदमन्त्री हितबहादुर तामाङले नगद रु १० हजार १०० सय सहित सम्मानपत्र प्रदान गरी सम्मान गर्नुभएको हो ।
यसै गरी प्रतिष्ठानको तर्फबाट नुवाकोट पञ्चकन्या गाउँपालिका ३ घलेगाउँ निवासी क्यान्सरका बिरामी ६६ वर्षीय कृष्णबहादुर तामाङलाई १५ हजार रुपैयाँ सहयोग प्रदान गरिएको थियो ।
कार्यक्रममा विशेष डाक्टर तथा कृषि विज्ञहरुको प्रस्तुतीमा स्वास्थ्यका लागि स्वस्थ कृषि नीति सम्बन्धी अन्तरक्रिया भएको थियो । कार्यक्रममा प्रदेश नं. ३ का उपसभामुख राधिका तामाङ, शिवपुरी गाउँपालिका अध्यक्ष रामकृष्ण थापा अतिथिको रुपमा उपस्थित थिए ।
शेरा स्मृति स्वास्थ्य शिक्षा प्रतिष्ठान प्रदेश नम्बर ३ की उपसभामुख राधिका तामाङले आफ्नो आमाबुवाको स्मृतिमा स्थापना गर्नुभएको संस्था हो ।
तपाईको प्रतिक्रिया