चिलाउने र काउले जोड्ने मोटरबाटोले पायो पूर्णता

नारीकोसिस डटकम/जेठ २८, नुवाकोट । तादी गाउँपालिका वडा नम्बर २ चिलाउनेगाउँदखि वडा नम्बर ४, काउले भंगेरीगाउँ जोड्ने मोटरबाटोले पूर्णता पाएको छ ।

चालू आर्थिक वर्षको प्रदेश स्तरीय वजेटमा जोडिएको उक्त मोटरबाटोले करिव तिन महिना पश्चात पूर्णता पाएको हो ।  बाटो खन्ने क्रममा कडा चट्टान तथा शिला भेटिएका कारण सोचेको समयअवधि भन्दा केही समय वढि  लागेको सो तादी गाउँपालिका वडा नं. २ का वडा अध्यक्ष वच्चुराम तामाङको भनाई छ ।

वडा अध्यक्ष तामाङले करिव मुख्य कामहरु सकिएसँगै गाडि गुडाउन सकिने जानकारी गराउदै उहाँले भन्नुभयो “नयाँ ट्रयाक खोलिएको यस माटोरबाटोले पूर्णता पाएको छ, अव सहज रुपमा गाडि  गुडाउन तथा पैदलयात्रुहरु आवातजावत गर्न सक्ने छन् ।”

नयाँ ट्रयाक खोलिएको यस मोटरबाटो तादी गाउँपालिकाका माथिल्लो भेगका जनताको लागि अति महत्वपूर्ण मानिएको यस मोटरबाटोप्रति स्थानीय जनता पनि हर्षित छन् ।  अब स्थानीय जनताले यातायात सेवा तथा नियमित आवातजावत गर्न समेत  सहजताको अनुभूत गर्न पाउनेछन् ।

यहाँका स्थानीय जनताहरु नियमित पैदल यात्रा गर्न कठिन  भिरको वाटो प्रयोग गर्नुपर्ने र यातायात सेवाको लागि अत्याधिक घुमाउरो बाटो प्रयोग गर्नुपर्ने वाध्यता थियो ।

बाटो निर्माण कार्यलाई अगाडि बढाउने क्रममा धेरैजसो स्थानीय जनताको  निजी जग्गा परेको र सो जग्गा विना विवाधित सहज रुपमा बाटो निर्माण कार्यमा सहजता प्रदान गरी सहयोग पु¥याउनुहुने आम स्थानीय जनता तथा राजनीतिक, बुद्धिजीवि, सामाजिक व्यक्तित्वहरुप्रति धन्यवाद व्यक्त गर्नुभएको छ ।  साथै  विकास निर्माण कार्यमा निरन्तर साथ सहयोग र सल्लाह सुझाव दिन पनि आम स्थानीय जनता तथा वडावासीमा अनुरोध गर्नुभएको छ ।

समग्रमा यस वडा नम्वर २ विकास निर्माण कार्यले गति लिएको देखिन्छ । तर सम्बन्धित निकायले मनसुन सुरु हुनु अगावै बाटो जस्तो अति महत्वपूर्ण कार्यलाई पूर्णता दिएर यातायात सेवा चालू गरेमा स्थानीय जनता तथा किसान व्यवसायहरुका लागि राहत मिल्ने छ ।