चिलाउनेमा बन्ने भयो स्वास्थ्य चौकी भवन
नारीकोसिस डटकम/जेठ २८, नुवाकोट । तादी गाउँपालिका वडा नम्बर २, रालुका चिलाउनेमा स्वास्थ्य चौकी भवन बन्ने भएको छ । सोही वडाका वडा अध्यक्ष बच्चुराम तामाङको पहलमा विदेशी जर्मनका नागरिक आन्द्रे हार्मोन र पर्यटन व्यवसायी टासी तेन्जिङ्ग शेर्पाको आर्थिक सहयोगमा सो स्वास्थ्य चौकी भवन बन्ने भएको हो ।
मंगलवार चिलाउने आधारभूत विद्यायलयले आयोजना गरेको एक सम्मान कार्यक्रमलाई सम्बोन्धन गर्दै हार्मोन र शेर्पाले स्वास्थ्य चौकी भवन निर्माण कार्यमा पूर्णरुपमा सहयोग गर्ने प्रतिवद्धता जनाउनुभएको छ । उहाँहरुको भनाई अनुसार सो भवन निर्माण सँगै स्वास्थ्य चौकीको सेवा सुविधाको लागि एम्वुलेन्स पनि उपलब्ध गराउनेछन् ।
हार्मोन र शेर्पाले स्वास्थ्य र शिक्षालाई जोड दिदै कुनै पनि वालवालिका आर्थिक अभाव तथा विद्यालयको कारण शिक्षाबाट बञ्चित हुन नपरोस भन्दै अझै यहाँका स्थानीय जनताहरुको सेवाको लागि आफूहरुको सदा साथ सहयोग जारी रहेको बतानुभयो ।
सो कार्यक्रममा स्थानीय जनता तथा विद्यायलले फूलमाला लगाएर स्वागत गरी सम्मान गरिएको थियो ।
स्वास्थ्य चौकीको भवन निर्माण कार्य औपचारिक रुपमा कहिलेबाट सुरु हुन्छ भन्ने मिति टुङ्गो लागि सकेको नभएता पनि हिउँद लागेपछि सुरु हुने वडा अध्यक्ष वच्चुराम तामाङले जानकारी दिनुभयो ।
स्वास्थ्य चौकीको निर्माण कार्यको नेतृत्व भने ग्रीनतारा फाउन्डेसनले गर्नेछन् ।
२०७३ सालमा विदेशी नागरिक हार्मोन र पर्यटन व्यवसायी शेर्पाको आर्थिक सहयोगमा ग्रीनतारा फाउन्डेसनले चिलाउने आधारभूत विद्यायल भवन निर्माण गरेका थिए ।
स्वास्थ्य चौकी भवन निर्माण कार्यले पूर्णता पाए तादी गाउँपालिको माथिल्लो भेगका स्थानीय जनता सामान्य स्वास्थ्य उपचारको लागि टाढा जानुनपर्ने र स्थानीय जनताले केही हदसम्म राहत पाउनेछन् ।
तपाईको प्रतिक्रिया