कामको तनावलाई कसरी कम गर्न सकिन्छ ? ५ साधारण टिप्स

कामको मेहनत र लगनशीलताले नै हामीले सफलता मिल्छ, आफूले सोचेको सपना पूरा हुन्छ । तर कहिलेकाही त्यही सपना पूरा हुन्छ । तर कहिलेकाही त्यही सपनाको मार्ग अर्थात कामले यति तनाव महसुस गर्छौं कि, जीवनप्रति नै निरासा जाग्छ । यो समस्या हामीले समयलाई, कामलाई व्यवस्थापन गर्न नसकेका कारण पनि हो ।

आफूले काम गर्ने ठाउँ सफा राख्नुहोस् । काम गर्ने ठाउँ सफा हुँदा मन प्रफुल्लित हुन्छ, दिमाग ताजा हुन्छ र सकारात्मक तरंगहरु आउँछन् । काम गर्ने ठाउँ फोहोर रह्यो भने आलस्यता, अल्छिपना, अधैर्यताले सताउँछ ।

भोलि गर्ने कामको लागि आज राती नै समय तालिका बनाउनुहोस् । समय तालिका बनाउँदा साना -साना कामहरु बिहानको लागि तय गर्नुहोस् । भोली गर्नैपर्ने कामलाई प्राथमिकता दिनुहोस् । यसले गर्दा कामहरु धेरै घटेको देखिन्छ र मन अधैर्य हुँदैन । त्यस्तै, त्यही समयतालिका अनुसार नै काम गर्नुहोस् । एकैपटक दुईवटा काम नगर्नुहोस् । त्यसो गर्दा काम तपाईले सोचे जस्तो हुँदैन्, दिन अव्यवस्थित बन्छ र मानसिक थकान पनि बढ्छ ।

हुन्न भन्न सक्ने बानीको विकास गर्नुहोस् । कसैलाई केही काम अह्रायो, या कोही व्यक्तिले केही अनुरोध गर्यो भने हुन्छ भन्न छोड्नुहोस् । सबैभन्दा पहिले आफ्नो कामलाई महत्व दिनुहोस् । यदि   तपाईले सबैको अनुरोधलाई हुन्छ भन्न थाल्नुभयो भने आफ्नो काम बाँकी रहन्छ र त्यसले तनाव सिर्जना गर्छ ।

काम गर्दा गर्दै थाक्नुभयो, ढिला भयो भने त्यो कामलाई आजै सक्छु भनेर कामको भार नलिनुहोस् ।   त्यो कामलाई भोलीको समयतालिकामा प्राथमिकता दिएर राख्नुहोस् । थाकेको समयमा काम गर्नुभयो भने त्यो परिणाममुखी त हुन्छ, तर गुणस्तरीय हुँदैन । त्यस्तै, तपाइले थाकेको समयमा काम गर्नुभयो भने त्यसले तपाईमा विस्तारै कामप्रति र कहिलेकाहीं जीवन प्रति नै वित्रिश्ना जगाईदिन्छ ।

कामबाट समय – समयमा ब्रेक लिनुहोस् । साथी, परिवारसँग समय बिताउनुहोस् । मनोरञ्नजात्मक कार्यमा सहभागी हुनुहोस् । हप्ताको एक दिन कामबाट छुट्टी लिनुहोस् । त्यो एकदिनको छुट्टीले तपाईलाई हप्ताभरको लागि स्फूर्त बनाइराख्छ । एकोहोरो काम गर्नुभयो भने शारीरिक तथा मानसिक दुवै स्वास्थ्यमा असर पर्छ । त्यस्तै, शारीरिक अभ्यास, स्वस्थ खानपिनलाई महत्व दिनुहोस् ।