काम सानोबाट सुरु गर, तर सपना ठूलो देख । एकै ठाउँमा नबस, अगाडी बढ ।

परिचय
थमस बर्बरी फेशन जगतको विश्वप्रसिद्ध तथा अन्तराष्ट्रिय चेन कम्पनी बर्बरीका संस्थापक हुन् । बर्बरी ब्रिटेनको एउटा ठूलो कपडा उद्योग हो । उनी गाबरडिन भन्ने कपडाको आविष्कारक पनि मानिन्छन् । जुन कपडा निकै कसिलो गरेर बुनिन्छ र सुट, ट्राउजर, ओभरकोट, विण्ड बे्रकर जस्ता पोशाकहरु बनाउन प्रयोग गरिन्छ । जन्म सन् १८३५ अगस्त २७ मा भएको थियो ।

प्रारम्भिक जीवन
थमस बर्बरीको जन्म बेलायतको ब्रोखाम ग्रीन भन्ने गाउँमा भएको थियो । उनले ब्रोखाम ग्रीन भिलेज स्कूलबाट शिक्षा प्राप्त गरेका थिए । स्कूलको पढाई सकेपछि थमसले एउटा स्थानीय कपडा पसलमा काम गर्न थाले । त्यसैक्रममा उनलाई कपडा सम्बन्धित जानकारी प्राप्त भयो र उनले आफैं कपडा डिजाइन गरेर विभिन्न तयारी पोशाक तयार गर्ने सोच बनाए ।

व्यवसायिक यात्रा
थमसले सन् १८७६ मा बेलायतको बेसिंगस्टोक भन्ने ठाउँमा आफ्नो पहिलो पसल खोले । उनको डिजाइन सामान्य मानिसको दैनिकी जनजीवनबाट प्रभावित थियो । त्यसैले उनले माछा मार्न वा शिकार खेल्न जाँदा लगाउने बाहिरी पोशाकको डिजाइन गर्न शुरु गरे । थमसलाई ती पोशाकहरु वाटरप्र्रुफ पनि बनाउन सके अझ राम्रो हुने विचार आयो । जसका लागि उनी ब्रिटिश कटन उद्योगहरुसँग पार्टनशिपमा काम गर्न राजी भए । थमसले देशका मध्यमवर्गीय समाजलाई लक्षित गरेर विभिन्न थरीका तयारी पोशाकका साथै वाटरप्रुफ पोशाकहरुको पनि डिजाइन गर्न शुरु गरे ।

थमसले विभिन्न खेलहरु खेल्दा प्रयोग हुने वाटरप्र्रुफ पोशाकहरुको डिजाइन गर्न शुरु गरेपछि उनको व्ववसाय फस्टाउन शुरु भयो । सन् १८७१ मा सत्तरी भन्दा बढी कामदारको उनको उद्योगमा काम गर्न थाले । सन् १८७१ मा उनले आफ्नो उद्योगलाई ठूलो बनाए जसमा विशेष गरी तयारी पोशाकको होलसेल निर्माणला्ई प्राथमिकता दिए । सन् १८८१ मा उनको उद्योगमा काम गर्ने कामदारहरुको संख्या दुई सय नाध्यो । थमसलाई आफ्नो उद्योग र ब्रान्डको विज्ञापन गर्न जरुरी लाग्यो । त्यसपछि उनले आर्मी अफिसरहरु लर्ड किच्नर र लर्ड बदेन पावेललाई आफूले डिजाइन गरेका वाटरप्रुफ पोशाक पहिरिन अनुरोध गरे । यसरी थमसले आफ्नो व्यवसाय बढाउँदै बेलायतको कपडा जगतमा आफ्नो पहिचान बनाउन थाले ।

सन् १८७९ मा थमसले आफ्नो उद्योगमा गाबरडिन भन्ने कपडा बनाउन शुरु गरे । जुन कपडा इजिप्टको कटनबाट बनेको थियो, कसिलो बुनिन्थ्यो र वाटर प्रुफ पनि थियो । गाबरडिन कपडालाई साउथ केसिंगटनमा भएको इन्टर नेशनल हेल्थ प्रदर्शनीमा निकै मन पराइयो साथै थमस बर्बरीको नाम पनि विश्वप्रसिद्ध भयो । सन् १९०४ मा उनले पुरुषमा लागि कोटको डिजाइन गरे जसमा प्रयोग भएको भएको कपडाले तातो चिसो हावा, वर्षाको पानी आदिबाट मानिसको शरीरलाई बचाउन सक्थ्यो ।

व्यवसायलाई विस्तार गर्नका लागि थमसले आफ्ना छोरालाई लण्डनको व्यापारिक ठाउँ जर्मिन स्ट्रिटमा आफ्नो उत्पादनको व्यापारका लागि पठाए । सन् १८९१ मा लण्डनको वेस्टमिन्स्टर शहरको हेमार्केटमा थमसले बर्बरीको पहिलो फ्लागशिप स्टोर खोलेका थिए । सन् १८९३ मा नर्वेजियन अन्वेषक र ब्रिटिश अन्वेषकले अभियानहरुमा गाबरडिन कपडाको प्रयोग गरेका थिए । सन् १९०० मा ब्रिटिश वार अफिसले थमसलाई सैनिकहरुको लागि हलुका खालको कोट डिजाइन गर्न अर्डर गरेपछि उनले टे«न्चकोटको डिजाइन तयार पारेका थिए । जुन कोट पहिलो विश्वयुद्ध ताक सैनिकहरुले प्र्रयोग गरे र पछि सामान्य मानिसको जीवनमा पनि यो कोटले आफ्नो प्रभाव जमायो ।

अमेरिकी कलाकार हम्प्रे बोगार्ट र ब्रिटिश कलाकार अड्रे हेपबर्नले विभिन्न चलचित्रमा टे«न्चकोट पहिरिएपछि सो टे«न्चकोट बर्बरी ब्राण्डलाई विश्वप्रसिद्ध बनाउने प्रमुख डिजाइन बन्न पुग्यो । टेन्चकोटको डिजाइनले सफलता पाएपछि थमसले खासगरी सैनिक र खेलाडीहरुलाई लक्षित गरेर पोशाकको डिजाइन गर्न थालेका थिए ।

सफलता
सिर्जनशीलताका कारण थमसको सन् १९२६ मा नब्बे वर्षको उमेरमा मृत्यु भएको थियो । थमसको मृत्युपछि उनको परिवारले कम्पनीलाई अगाडि बढाएको थियो । अहिले संसारमा विभिन्न एकाउन्न देशहरुमा बर्बरी ब्रान्डका पसलहरु छन् जसमा बर्बरी ब्रान्डका कोट, सुट, स्कार्फ, परफ्युम, झोला, चस्मा, घडी, सौन्दर्य सामग्री आदि पाउन सकिन्छ ।