सिर्जनशील महिला समाजद्वारा आयोजित डिप्रेसन सम्बन्धी जनचेतनामूलक कार्यक्रम सम्पन्न (भिडियो)

नारीकोसिस डटकम/असार १६, काठमाडौं । गोकर्णेश्वर नगरपालिकाको आर्थिक सहयोगमा सिर्जनशील महिला समाजले आयोजना गरिएको डिप्रेसन सम्बन्धी जनचेतनामूलक कार्यक्रम सम्पन्न भएको छ ।

उक्त महिला समाजले महिलाहरुमा हुने गरेका डिप्रेसनको समस्याहरु तथा समधानको उपायहरु बारे चेतना फैलाउने उदेश्यले शनिबार  टाइमलाइन स्कूल जोरपाटीमा  आयोजना गरिएको सो कार्यक्रममा नगरपालिकाका वडा नम्वर ५ का वडा अध्यक्ष नारायण बहादुर सुवेदीको प्रमुख आतिथ्यमा सम्पन्न भएको हो ।

प्रमुख अतिथि सुवेदीले कार्यक्रमलाई सम्बोधन गर्दै  डिप्रेसन सम्बन्धी कार्यक्रमहरु गर्नु आवश्यक रहेको र महिलाहरुलाई यस्ता कार्यक्रमले मानसिक समस्याका बारेमा ज्ञान हासिल गर्न सकिने बताउनुभयो ।

कार्यक्रममा विभिन्न संघसंस्थाहरुको प्रतिनिधी,  स्थानीय महिलाहरुको उपस्थिती रहेको थियो । अतिथिहरुले आफ्नो भनाईहररु राखेका थिए भने प्रशिक्षक महालक्ष्मी आचार्य ले प्रशिक्षण दिनुभएको थियो ।

सिर्जनशील महिला समाजले महिला शसक्तिकरणमा जोड दिदैं उनीहरुलाई विभिन्न ज्ञानहरु प्रदान गर्नको लागि कार्यक्रमहरु आयोजना गर्दै आएको छ ।