विहिवारदेखि खोलाले बगाएर चिलाउनेका २ किशोर वेपत्ता, खोजीकार्य जारी

नारीकोसिस डटकम/असार २०, नुवाकोट । विहिवार विषण वर्षाका कारण आएको घट्टे खोलालमा परी तादी गाउँपालिका वडा नम्वर २ चिलाउने गाउँका अन्दाजी १६–१७ वर्षको देव कृष्ण तामाङ र विनोद तामाङ वेपत्ता भएका छन् । उनीहरु सातविसेबाट कपला काटेर घर फर्कने क्रममा करिव ४–५ वजे तिर उनीहरुलाई खोलाले बगाएका थिए । प्रत्यक्षदर्शीका अनुसार उनीहरु खोला तर्दै गर्दा एक्कासी खालोको पानीको वहाव वढ्दै गएको र वारपार गर्न नसक्दा दुवैजालाई खोलाले वगाएर वेपत्ता भएका हुन् ।

सोही वडा नम्वर २ का वडाअध्यक्ष वच्चुराम तामाङले ती वेपत्ता किशोरहरुलाई खोलाले बगाएको खवर पाएपश्चात तत्काल खोजी कार्यको लागि स्थानीय र प्रहरीलाई खवर गरी  खोजी कार्य सुरु गरेका थिए ।

तादी २ र तादी ४ को सिमाना हुदै बग्ने घट्टेखोलाले बगाएका वेपत्ताहरुको खोजीकार्य रातभरी खोजीकार्य जारी राखेको वडा अध्यक्ष तामाङले जानकारी दिनुभयो ।

तामाङका अनुसार खोजी कार्यको लागि जिल्ला सशस्त्र प्रहरी र जनपथ टोली खटिरहेका छन् ।

तर अहिलेसम्म उनीहरुलाई भेटाउन नसकेको र  खोजी कार्य जारी रहेको प्रहरीले जनाएको छ ।

वेपत्ता हुनेमा आसमान तामाङका छोरा देव कृष्ण तामाङ र बैश तामाङका छोरा विनोद तामाङ रहेका छन् ।