अपडेटः २४ घण्टा वित्यो, खोलाले बगाएका देव र विनोद फेला परेनन्, खोजीकार्य तिव्र बनाउँदै
नारीकोसिस डटकम /असार २०, नुवाकोट । खोलाले बगाएको २४ घण्टा वितिसक्दा पनि देवकृष्ण तामाङ र विनोद तामाङ अझै वेपत्ता छन् ।
जिल्ला शसस्त्र प्रहरी नुवाकोट, इलाका प्रहरी खरानीटार, स्थानीय जनप्रतिनिधिहरु लगायत स्थानीय युवाहरुको टोलीले विहिवार साँझादेखि खोजीकार्यलाई तिव्रता दिएता पनि अझै वेपत्ता भएकाहरुलाई फेला पार्न सकेको छैन ।
टोलीले घट्टे खोलाको किनार हुँदै तादीखोलाको ढिकुरेसम्म खोजीसकेको र अहिले पनि खोजीकार्य जारी रहेको प्रहरीले जनाएको छ ।
पानीको वहाव बढेकाले उनीहरुलाई वगाएर तादी खोलाको तलसम्म पु¥याएको हुनसक्ने प्रहरीले आशंका गरिएको छ ।
प्रहरीका अनुसार वेपत्ता दुईजनालाई भोलीसम्म भेट्न सक्ने आशा गरिएको छ ।
वडा अध्यक्ष वच्चुराम तामाङका अनुसार वेपत्ता २ तामाङ विविवार सातविसेवजारबाट किनमेल तथा कपला काटेर आफ्नो घर चिलाउने गाउँतर्फ फर्कर्दै गर्दा तादी २ र तादी ४ को सिमाना हुदै बग्ने घट्टेखोला खोला तर्ने क्रममा विहिवार दिनको करिव ४–५ वजे तिर खोलाले बगाएर वेपत्ता भएका हुन् ।
वेपत्ता परिवारका, परिवार, आफन्तहरु चिन्तित छन् ।
वेपत्ता हुनेमा तादी गाउँपालिका वडा नम्वर २ चिलाउने गाउँका अन्दाजी १६–१७ वर्षको आसमान तामाङका छोरा देव कृष्ण तामाङ र बैश तामाङका छोरा विनोद तामाङ रहेका छन् ।
तपाईको प्रतिक्रिया