विप्लव समूहका उपत्यका ब्यूरो इन्चार्ज माइला लामा पक्राउ

नारीकोसिस डटकम साउन ५, काठमाडौं । काठमाडौंको काँडाघारीबाट विप्लव नेतृत्वको नेकपाका केन्द्रीय सदस्य एवम् उपत्यका ब्युरो इन्चार्ज माइला लामासहित दुई जना पक्राउ परेका छन्। प्रहरी अपराध महाशाखाका अनुसार लामासँगै नेकपाका अर्का नेता रेसम तामाङ पनि पक्राउ परेका छन्।
उनीहरूलाई महाशाखाको टोलीले शनिबार राति करिव १२ बजे तिर पक्राउ गरेको महाशाखाका प्रमुख एसएसपी सहकुल थापाले जानकारी दिनुभयो।
उहाँका अनुसार लामा उपत्यकामा भएका विभिन्न विप्लवका गतिविधिमा संलग्न रहँदै आएका थिए। लामालाई लामो समयदेखि प्रहरीको खोजिरहेको थियो।
लामा विप्लव समूहभित्रको एक प्रभावशाली नेता मानिन्छन् ।
तपाईको प्रतिक्रिया