तादी गाउँपालिकाद्वारा वाढीपिडित परिवारलाई राहत स्वरुप रु. २५ हजार नगद प्रदान
नारीकोसिस डटकम/साउन ६, नुवाकोट । तादी गाउँपालिकाले वाढीपिडित दुई परिवारलाई राहत प्रदान गरेको छ ।
आईतवार दुई पिडित परिवारलाई गाउँपालिका अध्यक्ष नारायण पाण्डेले मृत्तकको क्रिया खर्च स्वरुप रु. २५ हजार नगद प्रदान गर्नुभएको हो ।
सो हस्तारण कार्यक्रममा गाउपालिका उपाध्यक्ष ईश्वरि उप्रेती, प्रमुख प्रसासकिय अधिकृत अशोक बिष्ट र वडा नम्वर–२ का अध्यक्ष बच्चुराम तामाङको उपस्थिति रहेको थियो ।
गत असार १९ गते शुक्रवार सोही गाउँपालिका वडा नम्वर–२, चिलाउनेगाउँ निवासी अन्दाजी १६–१७ वर्षको देव कृष्ण तामाङ र विनोद तामाङलाई वाढीले वगाएर मृत्यु भएको थियो ।
मृत्यु हुनेमा आसमान तामाङका छोरा देव कृष्ण तामाङ र बैश तामाङका छोरा विनोद तामाङ रहेका छन् ।
उनीहरु सातविसेवजारबाट कपला काटेर घर फर्कने क्रममा करिव दिनको ४–५ वजे तिर उनीहरुलाई घट्टे खोलाको वाढीले बगाएका थिए ।
तपाईको प्रतिक्रिया