नारी शक्ति……सुस्ताउने हैन अब जाग अघि बढ..

नारी पुरुष बराबरी सबैले मान्नुपर्छ
आफूभित्र भाको शक्ति तिमीले जान्नुपर्छ
सुस्ताउने हैन अब जाग अघि बढ
अन्याय र अत्यचारको विपक्षमा लड ।

सिर्जनाको बिउ रोपी सृष्टि रच्ने नारी
मनभित्रको कालो, मैलो चकना चूर पारी
सफा, स्वच्छ मस्तिष्कमा ज्ञान भर्दै जाउ
त्यहि ज्ञानको ज्योतिलाई पनि छर्दै जाउ ।

तिमी दिप बने मात्र बल्छ सारा जगत
तिम्रै सारमा अडेको छ ब्रम्हाण्ड नै फगत
कालो, दुर्गा, देवी तिमी अन्यायलाई नास्ने
मायाँको यो तिम्रो सृष्टि को छ यहाँ मास्ने ?

आँधी हुरी रोक्छौ तिमी, हिमाल पनि बोक्छौ
समुन्द्रको गहिराईमा मोती टिप्न सक्छौं
आफ्नो ताकत पहिचान गर आजका हे नारी
तिमी जागे संसार जाग्छ, सबलाई पर्छ भारी ।

चुलो चौको मात्र हैन तिमीले बस्ने ठाउँ
परिश्रम र पौरखले बन्छ तिम्रो नाउँ ।
सारा विश्व तिम्रो नै हो गर्न सके जति
तिमी भित्र अपार शक्ति, गर्छौं कति कति ।

महालक्ष्मी आचार्य
सामाजिक मनोपरामर्शदाता