एनसेल टावर आगजनीमा संलग्नको आरोपमा एक जना पक्राउ

नारीकोसिस डटकम/साउन २०, काठमाडौं । नुवाकोटको एनसेल टावर आगजनीमा संलग्नको आरोपमा प्रहरीले विप्लव समर्थक बच्चुराम लामिछानेलाई नियन्त्रणमा लिएको छ ।

कीर्तिपुरमा स्टेशनरी पसल सञ्चालन गर्दै आएका लामिछानेलाई नुवाकोटबाट आएको प्रहरी टोलीले गएराति काठमाडौंको कीर्तिपुरबाट पक्राउ गरेको हो ।

पक्राउ परेका उनलाई राति नै नुवाकोट लगिएको जिल्ला प्रहरी कार्यालय, नुवाकोटले जनाएको छ ।

नुवाकोटको विदुर नपा–२ स्थित एनसेल टावरमा गत फागुन १० मा आगजनी भएको थियो । यो घटनामा लामिछाने लगायतका विप्लव समर्थकको संलग्नता रहेको अभियोग छ ।