प्रधानमन्त्री ओली ५ गते थप उपचारका लागि सिंगापुर जाने
नारीकोसिस डटकम/भदौ २, काठमाडौं । प्रधानमन्त्री केपी शर्मा ओली यही भदौ ५ गते थप उपचारका लागि सिंगापुर जाने भएका छन् ।
करिब एक साताअघि सिंगापुरमा स्वास्थ्य उपचार गराएर फर्किएका प्रधानमन्त्री ओली ‘फलोअप’ का लागि जान लागेका हुन्।
बालुवाटार स्रोतका अनुसार यसअघिको उपचारमा दुई साइकल औषधि चलाइएको र थप एक साइकल तीन साताको बीचमा चलाउनुपर्ने चिकित्सकको सल्लाहबमोजिम ओली सिंगापुर जान लागेका हुन्।
चिकित्सकले सिफारिस गरेको औषधिको ‘साइड इफेक्ट’ देखिएकाले पनि प्रधानमन्त्री ओली तत्कालै जान सिंगापुर जानुपरेको स्रोतको भनाइ छ।
औषधिको ‘साइड इफेक्ट’ कै कारण प्रधानमन्त्री ओलीलाई ज्वरो आउने, टाउको दुख्ने जस्ता समस्या देखिएको स्रोतले बताएको हो ।
तपाईको प्रतिक्रिया