नुवाकोटको तादी गाउँपालिकामा वाढीका कारण २ वटा घर पूर्णरुपमा क्षति, दर्जनौ पशु चौपाय बेपत्ता, यातायात सेवा अबरुद्ध

नारीकोसिस डटकम/भदौ १५, नुवाकोट । नुवाकोट जिल्लाको तादी गाउँपालिकामा गयराति आएको भिषण वर्षका कारण आएको वाढीले लाखौको क्षति भएको खवर प्राप्त भएको छ ।

नारीकोसिसलाई प्राप्त जानकारी अनुसार सो गाउँपालिकाको वडा नं. २ र ३ मा रहेको घट्टे खोला र खहरे खोला कोसगाडेमा आएको बाढिले २ वटा घर पूर्णरुपमा क्षति भएको र दर्जनौ पशु चौपाय बेपत्ता भएको छ भने सयौं रोपनी जमिन वगाएको  छ ।

जिल्ला प्रहरी नायव उपरिक्षक राजेश थापाका अनुसार ६ वटा घर उच्च जोखिममा रहेको छ । उहाँका अनुसार  मानविय क्षेति भने भएको छैन ।

आहिले खरानीटार सातविसे जाने मुख्यसडक खण्ड पुर्ण रुपमा अबरुद्ध छन् ।

स्थलगत अनुगमनको लागि गाउँपालिका अध्यक्ष नारायण पाण्डे,  प्रहरी टोली, ३ नं. वडाका वडा अध्यक्ष  पुगेको र तत्काल यातायात सेवा सुचारु गर्ने प्रयास भईरहेको प्रहरीले जनाएको छ ।

क्षति हुनेमा ऐ ऐ बस्ने श्याम बहादुर थापाको गोठ पुर्ण रुपमा बगाएको, घरमा आंशिक क्षेति, सोमनाथ सापकोटाको धान कुट्ने मिल, गोठ र एउटा गाई बगाएको, हरि थापा, कृष्ण थापा, बासु थापा, शिशिर उप्रेती,शिब दाहाल,कुमार शिबभक्ति, गोबिन्दलाल पण्डित,कृष्ण प्रसाद लामिछाने, सुराम तामाङ, मछिन्द्र तामाङ, सुमन थापाको खेत बगाएको प्रहरी नायव उपरिक्षक थापाले जानकारी दिनुभयो ।

त्यसैगरी ककनी गा. पा. २ पासाङ ल्यामु सडक खण्डको बाह्रमाइल र खानीखोला भन्ने स्थानमा माथिबाट लेदो तथा पहिरो आई बाटो पुर्ण रुपमा अबरोध भएको छ । बाटो खुलाउनको लागि सैलुङ कट्रक्सन सँग समन्वय भइरहेको प्रहरीले जनाएको छ ।

ठुलो खोला देखी डम्पिङ साइट सम्म ४ ठाउँमा पहिरो आई बाटो अबरोध भएको काठमाण्डौ महानगरपालिका सँग समन्वय गरी बाटो खुलाउने पहल भइरहेको प्रहरी नायव उपरिक्षक थापाले जानकारी दिनुभयो ।