महोत्तरी गौशालामा नेपाली चलचित्र “भोर” विशेष प्रदर्शन
नारीकोसिस डटकम/भदौ १५, महोत्तरी । महोत्तरी गौशालामा नेपाली चलचित्र भोर विशेष प्रदर्शन भएको छ ।
ऐतिहासिक नेपाली चलचित्र झोलाको अपार सफलता पछि निर्देशक यादव कुमार भट्टराई को पछिल्लो यथार्थपरक नेपाली चलचित्र भोरको विशेष प्रदर्शन राष्टिय सभा उपाध्यक्ष माननिय शशिकला दहालको प्रमुख आतिथ्यमा गौशाला नगरपालिका १२ कान्तिवजार मा शानिवार विशेष प्रदर्शन गरिएको हो ।
तराई मधेशमा जकडिएर रहेको दाइजो प्रथाको मूल विषयबस्तु उठान गरिएको सो प्रदर्शनमा गौशाला नपाका उपप्रमुख आशा लामा वडा अध्यक्ष किशुन बिक नेकपा प्रदेश सदस्य महोत्तरीका जिल्ला नेता बिष्णु योञ्जन सहित करिव १००० दर्शकको उपस्थिति रहेको थियो ।
मिडिया फर कल्चरको व्यानरमा निर्मित सो फिल्मको निर्देशन यादव कुमार भट्टराई कार्यकारी निर्माता देवेन्द्र सुवेदी निर्माता राज तिमल्सिना , रामगोपाल थापा सङीत प्रवेश मल्लिक र जेशन कुवर मुख्री सहायक निर्देशक किशन अर्याल र दिपक अधिकारी कथा कृष्ण धरावासीको रहेको छ ।
चलचित्रमा कलाकार डलि सरकार , रामनारायण ठाकुर,अनितारानी मन्डल , प्रमेश झा, राजेश सक्सेना , पुजा कर्ण , फाल्गुन मगर, जनक नन्दिनी , बिय न पटेल , रेखा झा , बटुक मिस्र , ओम प्रकाश कर्ण , रितेश पाटलीले अभिनय गरेका छन् ।
चलचित्र गौशाला नपा , बर्दिवास नपा, सम्सीगाउँ पालिका रामगोपालपुर नपा मटिहानी नपा मा दशै अघि प्रदर्शन गरिने निर्देशक यादव भट्टराई ले जानकारी गराउनु भयो ।
तपाईको प्रतिक्रिया