कोसिस मल्टिमिडियाको प्रथम वार्षिक उत्सव तथा सम्मान कार्यक्रम सम्पन्न

नारीकोसिस डटकम/भदौ १५, काठमाडौं । कोसिस मल्टिमिडियाको प्रथम वार्षिक उत्सव तथा सम्मान कार्यक्रम सम्पन्न भएको छ ।

“क्षमताको विकास गरौं र अघि वढौ” भन्ने मूल नाराका साथ सञ्चालनमा ल्याएको मिडियाले एक वर्ष पूरा गरेको सु-अवसरमा शनिवार एक औपचारिक कार्यक्रम गरी मनाएको हो ।

सो अवसरमा संस्थाले  विभिन्न क्षेत्रमा उदाहरणीय कार्यगर्ने ५ जना महिलाहरुलाई सम्मान गरेको थियो।

कार्यक्रममा शुभकामना मन्तव्य राख्दै प्रतिनिधि सभा सदस्य तथा कार्यक्रमका प्रमुख अतिथि सरिता न्यौपानेले जन्मदै कोही पनि क्षमतावान भएर जन्मिएको हुदैन, विस्तारै त्यसलाई आफूले आफूलाई विकास गर्दै लैजाने भएकोले यस मिडियाले व्यक्तित्व विकास तथा महिला शसक्तिकरणको लागि जोड दिएको भन्दै संस्थाप्रति प्रशंसा व्यक्त गर्नुभयो ।

त्यसैगरी कागेश्वरी मनोहरा नगररपालिकाका नगर प्रमुख कृष्णहरी थापाले यस मिडियाले एक वर्षमा उल्लेखनिय काम गरेको र आगामी दिनहरुमा नगरपालिकाले सक्दो सहयोग गर्ने प्रतिवद्धता व्यक्त गर्नुभयो ।

यस संस्थाले स्थापनाकालदेखि नै सञ्चालित नारी कोसिस अनलाई न्युज साइड मार्फत महिला शसक्तिकरणमा जोड दिदै आवाजविहिनहरुको आवाज वुलन्द गर्ने उद्देश्यका साथ महिलाहरुले गरेका उदाहणीय कामलाई प्रोत्साहन दिने काम गर्दै आईरहेको छ ।

साथै विविध स्थानीय सरोकारको विषयलाई समेटि विकास निर्माणको लागि पूलको काम गर्ने र विभिन्न क्षमतामूलक तालिमहरु दिदै आईरहेको संस्थपक अध्यक्ष निर्माला सापकोटा सञ्जेलले जानकारी दिनुभयो । विभिन्न क्षमतामूलक तालिमहरुमध्ये वोल्नेकलाको तालिमलाई पहिलो प्राथमिकता जोड दिदै आईरहेको उहाँले बताउनुभयो ।

कार्यक्रममा कागेश्वरी मनोहरा नगररपालिकाका स्थानीय जनप्रतिनिधि लगायत विभिन्न संघ–संस्थाका प्रतिनिधि तथा विशेष व्यत्तित्वहरुको सहभागीता रहेको थियो ।