छुरी प्रहार गरी हत्या गर्ने ३ जना पक्राउ
नारीकोसिस डटकम/भदौ १७, काठमाडौं । सितापाइलाको श्रवरणपुर चोकमा सोमबार राति २५ वर्षीय युवकको हत्या भएको छ । नागर्जुन ५ का २५ वर्षीय आकाश बस्नेतलाई छुरा प्रहार गरेर हत्या गरिएको हो ।
महागनरीय प्रहरी वृत्त, स्वयम्भुका डीएसपी लालध्वज सुवेदीका अनुसार घटनामा संलग्न भएको आशंकामा ३ जनालाई पक्राउ गरिएको हो।
पक्राउ पर्नेमा सुर्खेतका हिमांशु क्षत्री, धादिङका साकार भनिने सागर तामाङ र दोलखाका सुवास श्रेष्ठ उर्फ बुलेट छन् ।
बस्नेतसहित हत्या आरोपित सबैले मादक पदार्थ र लागूऔषध सेवन गरेको हुनसक्ने प्रहरीको प्रारम्भिक अनुसन्धानले देखाएको छ ।
मृतक बस्नेत वैदेशिक रोजगारीका क्रममा मलेसिया बसेर केहीअघि मात्रै स्वेदश फर्किएका थिए ।
तपाईको प्रतिक्रिया