१० दिनदेखि सुनको भाउ ओरालो झर्दै

नारीकोसिस डटकम/भदौ २९, काठमाडौं । आकाशिन थालेको छापावाल सुनको भाउ १० दिनदेखि भने ओरालो झर्न थालेको छ ।

नेपाल सुनचाँदी व्यवसायी महासंघका अनुसार १० दिनभित्र सूनको मूल्यमा तीन हजार रुपैयाँ भन्दा बढिले गिरावट आएको छ ।

पछिल्लो पटक भदौ १९ गते कायम सुनको उच्चतम मूल्य प्रतितोला ७३ हजार ४ सय रुपैयाँ थियो । आइतबारका लागि महासंघले छापावाल सुनको मूल्य प्रतितोला ७० हजार २ सय रुपैयाँ तोकेको छ ।

यस्तै तेजावी सुनको प्रतितोला मूल्य ६९ हजार ९८ सय र चाँदीको प्रतितोला मूल्य ८ सय ४० रुपैयाँ तोकिएको छ ।

यो बीचमा तेजावी सुनको मूल्यमा उतारचढाब भए पनि छापावाल सुनको मूल्य निरन्तर ओरोलो लागेको छ।