छोराको मृत्युको पीडा खप्न नसकेर बाबुले गरे आत्महत्या
नारीकोसिस डटकम/भदौ ३०, बुटवल । पाल्पाको त्रिभुवन बहुमुखी क्याम्पसका उप–प्रध्यापक कृष्णप्रसाद तिमिल्सिनाको तीन दिनअघि हृदयघातबाट मृत्यु भएपछि त्यसको पीडा सहन नसकेर उनका ६५ वर्षीय बाबु भिमराज तिमिल्सिनाले सोमबार बिहान आत्महत्या गरेका छन् ।
४० वर्षीय छोरा कृष्णको शनिबार मृत्यु भएको थियो । जिल्लाको रामपुर नगरपालिका वडा नम्वर १० हेक्लाङ्गा निवासी भिमराज विक्षिप्त बनेका उनले आज बिहान घर नजिकैको रुखमा झुण्डिएर आत्महत्या गरेको पाल्पाका प्रहरीले दिए ।
उपप्रध्यापक तिमिल्सिना पाल्पाको नर्सिङ्ग कलेज, मिलेनियम कलेजमा समेत अध्यापन गराउँथे भने पाल्पाकै सुर्योदय टेलिभिजनका अध्यक्ष समेत रहेका थिए । बाबु छोराको तीन दिनमै मृत्यु भएपछि आफन्तजन शोकमा डुबेका छन् ।
तपाईको प्रतिक्रिया