गुल्मीमा महायज्ञ मण्डप बाढीले बगाइदियो

नारीकोसिस डटकम/भदौ ३१, गुल्मी । गुल्मीको रिडीमा गर्न तयार पारिएको धार्मिक महायज्ञको पितृमोक्ष गर्ने मण्डप कालिगण्डकी नदीले बगाइदिएको छ।

गत रातिदेखिको अविरल वर्षाका कारण कालिगण्डकी नदीले सोह्रश्राद्ध गर्ने स्थान र अन्य थुप्रै सामाग्री समेत बगाइदिएको छ । बाढीले ठूलो क्षति गरेपछि आज बिहानैदेखि थप सामाग्री सुरक्षित गर्न स्थानीय जुटिरहेका छन् ।

गत भदौ २८ गते परराष्ट्रमन्त्री प्रदिपकुमार ज्ञवालीले उद्घाटन गरेको महायज्ञ २१ दिनसम्म चल्ने र २१ सय रुपैयाँमा विवाह, व्रतबन्ध र पितृमोक्ष गराइने बताइएको थियो ।