सप्तकोशीमा पानीको वहाव बढ्यो

नारीकोसिस डटकम/भदौ ३१, सुनसरी। सोमबार रातिदेखि परेको अविरल वर्षाका कारण सप्तकोशी नदीको वहाव बढेको छ ।

कोशी व्यारेजमा मंगलबारको पछिल्लो मापनअनुसार सप्तकोशी नदीको वहाव २ लाख ३२ हजार ९८५ क्युसेक प्रतिसेकेण्ड रहेको कोशी व्यारेज कन्ट्रोलरुमले जनाएको छ । अहिले कोशी ब्यारेजका ५६ ढोकामध्ये ३६ वटा ढोका खोलिएको छ ।

यसैगरी सुनसरी र सप्तरीमा सप्तकोशी नदीको तटीय क्षेत्रका बासिन्दालाई उच्च सतर्कता अपनाउन बाढी पूर्वानुमान महाशाखाले अनुरोध गरेको छ ।