त्रि–ज्योति माविको प्राचार्यमा गणेश कुमार मिश्र

कोशिस मल्टिमेडिया
६ वर्ष पहिले
त्रि–ज्योति माविको प्राचार्यमा गणेश कुमार मिश्र

नारीकोसिस डटकम/असोज ९, काठमाडौं । त्रिज्योति विद्यालयको प्राचार्यमा गणेश कुमार मिश्र प्राचार्यमा नियुक्त भएका छन् ।

काठमाडौंको बूढानीलकण्ठ नगरपालिका वडा नं १२ अन्र्तरगत पर्ने सो विद्यालयको प्राचार्यका रुपमा मिश्र नियुक्त भएका हुन् । करिव साढे दुई दशकदेखि शिक्षण क्षेत्रमा रहेका मिश्र त्रि–ज्योति मावि तहमा १४ वर्ष अघि सह–प्राचार्यको रुपमा प्रवेश गरेका थिए ।

शैक्षिक तथा प्रशासनिक क्षेत्रमा रही महत्वपूर्ण भूमिका निर्वाह गरेको र शिक्षाको उज्यालो किरण छर्नमा मिश्रले पुर्‍याएको योगदान प्रशंसनीय रहेको भन्दै विद्यालय व्यवस्थापन समितिले प्रशंसा व्यक्त गरेका छन् ।

प्राचार्य मिश्रले आगामी दिनहरुमा विद्यालयको शैक्षिक गुणस्तरमा सुधार गर्दै लैजाने र विद्यालयलाई काठमाडौं जिल्लाकै नमुना विद्यालयको रुपमा स्थापित गर्ने प्रतिवद्धता सहित खेलकुदको क्षेत्रमा समेत विशेष पहल गर्ने बताए ।

तपाईको प्रतिक्रिया