मनमुरी कृषि सहकारी संस्थाद्वारा नवरत्न तथा कृषि खाद्यन्न स्टोर उद्घाटन
नारीकोसिस डटकम/असोज १३, काठमाडौं । कागेश्वरी मनोहरा नगरपालिका वडा नं. ८ मा मनमुरी कृषि सहकारी संस्था र कृषि पूर्वाधार विकास तथा कृषि यान्त्रीकरण प्रवद्र्धन केन्द्र हरिहर भवन ललितपुरको संयुक्त लगागनीमा नवरत्न तथा कृषि खाद्यन्न स्टोर संचालनमा ल्याएको छ ।
सोमबार एक ओपचारीक कार्यक्रम आयोजना गरी पूर्व प्रधानमन्त्री एंव प्रतिनिधि सभा सदस्य माधव नेपालले सो स्टोरको उद्घाटन गर्नु भएको हो ।
‘नुनदेखि सुनसम्म’ भन्ने नारासहित खोलिएको यस स्टोरले स्थानिय कृषि लगायत अन्य उधमीले उत्पादन गरेका सामाग्रीलाई बजारीकरण गर्ने, वेरोजगारलाई रोजगार दिने तथा उत्पादनदेखि उपभोक्ता सम्म सिधै उत्पादन सामाग्री पु¥याउने उद्देश्य रहेको अध्यक्ष जयकला वस्नेतले बताउनु भयो ।
साथै यस स्टोरले स्थनीय उत्पादित सामाग्रीलाई भविष्यमा विदेश निर्यात गर्ने लक्ष्य रहेकको अध्यक्ष वस्नेतले जानकारी दिनु भयो ।
उद्घाटन कार्यक्रमलाई सम्बोन्धन गर्दै पूर्व प्रधानमन्त्री एंव प्रतिनिधि सभा सदस्य नेपालले सहकारीले पूँजीवाद भन्दा पनि समाजवादमा लान भूमिका खेल्नुपर्ने बताउदै सामाजिक एकताको भावना अगाडि वढाई रोजगारी सिर्जना गरी अगाडि वढ्न आग्रह गर्नु भयो ।
कार्यक्रममा कागेश्वरी मनोहरा नगरपालिकाका नगरप्रमुख कृष्णहरी थापा, वडा नं. १, ८, ९ का वडा अध्यक्ष, विभिन्न संस्थाका प्रतिनिधि लगायत स्थानीयकोवासी सहभागीता रहेको थियो ।
तपाईको प्रतिक्रिया