दशैको टीकाको दिन सेनाको बसले निःशुल्क यात्रु बोक्ने
काठमाण्डौ ,२० असोज । विगतका वर्षहरुमा जस्तै यो वर्षको टीकाको दिन नेपाली सेनाको बसले निःशुल्क रुपमा यात्रु बोक्ने भएको छ । दशैंका दिन सार्वजनिक सवारी कम चल्ने भएका कारण सर्व साधरणलाई टीका लगाउन आउजाउ गर्न सहज होस भनेर सेनाले निःशुल्क रुपमा सेवा दिन लागेको हो ।
सेनाले असोज २१ गते टीकाका दिन काठमाडौं उपत्यका भित्र सार्वजनिक सवारी साधन न्यून मात्र सञ्चालन हुने भएकोले सैनिक तथा गैरसैनिक व्यक्तिहरुको आवा गमनमा सुविधा पुर्याउने उद्देश्यले बस सेवा सञ्चालन गर्ने जानकारी दिएको छ । सेनाले उपत्यकाका विभिन्न सात वटा रुटहरुमा यी समयमा निःशुल्क बस सञ्चालन गर्ने व्यवस्था मिलाएको सैनिक जनसम्पर्क निर्देशनालयले जनाएको छ ।
टीकाको दिन न्यून सार्वजनिक सवारी सञ्चालन हुने भएकाले असोज २१ गते सैनिक तथा गैरसैनिक (सर्वसाधारण) हरूको आवगमन सहजताका लागि सेनाले बस सेवा सञ्चालन गर्ने भएको हो। उक्त दिन काठमाडौँका विभिन्न रुटहरूमा सेनाले बस सञ्चालन गर्ने जन सम्पर्क तथा सूचना निर्देशनालयद्वारा जारी प्रेस विज्ञप्तिमा जनाइएको छ।
तपाईको प्रतिक्रिया