जापानमा शक्तिशाली आँधीः उद्धारका क्रममा एक वृद्धा हेलिकोप्टरबाट खसिन्
असोज २७, एजेन्सी । जापानमा आएको भीषण आँधीपछि उद्धारका लागि हज्जारौं उद्धारकर्मी खटाईएको छ । ६० वर्ष यताकै शक्तिशाली आँधी मानिएको यो आँधीका कारण कम्तीमा २३ को मृत्यु भएको छ ।
आँधी हगिबिस शनिबार राजधानी टोकियोको दक्षिण–पश्चिममा इजु प्रायद्वीपको मुख्य भूमिमा स्थानीय समयानुसार बेलुकी करिब सात बजे ठोक्किएको थियो ।
सरकारी समाचार प्रसारक एनएचकेका अनुसार आँधीका कारण १३ जना हराइरहेका छन् ।
अधिकारीलाई उद्धृत गर्दै समाचार एजेन्सी एपीले दिएको खबर अनुसार एक हेलिकोप्टरद्वारा बचाइएकी ७० वर्षीया एक महिला दुर्घटनावश तल खस्दा मृत्यु भएको छ ।
जापानका केही क्षेत्रमा केही दिनभित्र औसत वर्षा ४० प्रतिशतसम्म भयो ।
तपाईको प्रतिक्रिया