नेपाल रेडक्रस सोसाइटी काठमाडौं जिल्ला शाखाद्वारा नवनिर्मित “गोठाटार स्वास्थ्य चौकी” भवन हस्तान्तरण
नारीकोसिस डटकम/असोज २८, काठमाडौं । कागेश्वरी मनोहरा नगरपलिका वडा नं. ९, गोठाटारमा नेपाल रेडक्रस सोसाईटी काठमाडौं जिल्ला शाखाद्वारा नवनिर्मित “गोठाटार स्वास्थ्य चौकी” भवन हस्तान्तरण गरिएको छ ।
भवनको हस्तान्तरण तथा उद्घाटन पूर्व प्रधानमन्त्री एंव प्रतिनिधि सभा संसद् माधव कुमार नेपालले गर्नुभएका हो । ब्रिटिस रेडक्रसले निर्माण गरेको उक्त स्वास्थ्यचौकी आजबाट कागेश्वरी मनोहरा नगरपालिकाको जिम्मामा संचालन हुनेछ ।
नेपाल रेडक्रस सोसाइटी काठमाडौं शाखाद्वारा संचालति भूकम्प प्रतिकार्य कार्यक्रम अन्तरगत व्रिटिस रेडक्रस सोसाईटीको आर्थिक सहयोगमा निर्माण गरिएको सो स्वास्थ्य चौकी भवन मंगलवार एक औपचारिक कार्यक्रमका साथ हस्तान्तरण गरिएको हो । चावी हस्तान्तरण नेपाल रेडक्रस सोसाईटी काठमाडौं जिल्ला शाखा सभापति मथुरा राम श्रेष्ठले संयुक्त रुपमा स्वास्थ्य राज्य मन्त्री सुरेन्द्र यादव, प्रदेश सांसद मणीराम फुयाल , नगर प्रमुख श्री कृष्ण हरि थापालाई हस्तान्तरण गर्नुभएको थियोे ।
कार्यक्रमलाई सम्बोन्धन गर्दै पूर्व प्रधानमन्त्री नेपालले नेपालीहरुले चाहेको खण्डमा तोकिएको समयमा जुनसुकै काम सम्पन्न गर्न सकिने बताउनुभयो । यसै सन्र्दभलाई जोड्दै तोकिएकै समयमा काम सम्पन्न गरेको भन्दै भवन निर्माण कम्पनीको समेत प्रसांशा गर्नुभयो । रेडक्रस सोसाईटी जुनसुकै विपत्तको वेलामा पनि निस्वार्थ भावनाले सहयोग गर्ने संस्था भएको बताउदै सो भवन पनि पवित्र भावनाले निर्माण गरेको दावी गर्नुभयो । साथै सहयोगी दाताहरुलाई विशेष धन्यवाद व्यक्त गर्नुभयो ।
यसै गरी नगर प्रमुख कृष्णहरी थापाले जनप्रतिनिधिले मात्र विकास निर्माणमा पहल गरेर नहुने भएकाले आफ्नो गाँउ–टोल बनाउन स्थानीय जनता आफै अग्रसर भई विकास निर्माणमा सहकार्यका साथ सहयोग गर्न आम स्थानीयवासीमा आग्रह गर्नुभयो ।
कार्यक्रममा सहभागी अन्य अतिथिहरुले पनि समयमै काम सम्पन्न भएको भन्दै निर्माण पक्षको प्रसांशा व्यक्त गरे । साथै स्थानीय रुपमा सो स्वास्थ्य चोकी भवन निर्माण तथा सेवा उपलब्ध गराउन पहल गर्ने नेपाल रेडक्रस सोसाईटीलाई विशेष धन्यावाद व्यक्त गरे ।
कार्यक्रमकममा स्वास्थ्य राज्यमन्त्री सुरेन्द्र यादव, नेपाल रेडक्रस सोसाईटिका केन्द्रिय अध्यक्ष संजिव थापा, प्रशासकिय अधिकृत, व्रिटिस रेडक्रसका प्रतिनिधिहरु, लगायत स्थानीय जनप्रतिनिधिहरु, स्थानीय संघसंस्थाका प्रतिनिधिहरु अतिथिको रुपमा सहभागी थिए ।
सो स्वास्थ्य चौकी भवन गत सालको मंसिरमा शिलान्यास गरी निर्माण कार्य अगाडि बढाइ करिव नौ महिनाको अवधिमा निर्माण कार्य सम्पन्न भएको हो ।
यस स्वास्थ्य चौकीमा सामान्यतया महिला विशेष प्रसुती सेवा सुविधा लगायत विभिन्न सेवाहरु उपलब्ध हुनेछन् ।
४ रोपनी जग्गामा अवस्थित सो स्वास्थ्थ चौकी १ करोड ६५ लाख लागतमा निर्माण भएको र निर्माणाधिन अवस्थामा ल्याउन सहयोग पुर्याउने व्यक्तिहरुलाई सम्मान तथा प्रसंसापत्र पनि प्रदान गरिएको थियो ।
उक्त स्वास्थ्यचौकी वडा नं. ९ अन्तरगत गोठाटारकै सवैभन्दा ठूलो स्वास्थ्य चौकी हो । करिब ३० हजार स्थानीय जनता यस सेवाबाट लाभन्वित हुनेछन् ।
तपाईको प्रतिक्रिया