कपालमा तेल लगाएर मालिस गर्दा फाइदा यस्ता

कपाललाई महिलाहरुको गहनाको रुपमा लिइन्छ । महिलाको मात्र नभई कपाल पुरुषहरुको सौन्दर्यको पहिचान पनि हो । धुलो, धुवा, घाम, चिन्ता, औषधिको साइड इफेक्ट होस् या डाइटमा सही मात्रामा पोषण नहुँदा हाम्रो कपालमा समस्या देखा पर्न थाल्छ ।

कपालको सह्यारकालागि पुरुषले खासै चासो दिदैनन् । तर आफ्नो कपाल प्रति महिला सधै सचेत र सजक रहन्छन् । कपाल स्वास्थ्य, बलियो, चम्किलो, मुलायम बनाउनुका साथै यसलाई झर्नबाट रोक्न उचित स्याहार गर्न आवश्यक हुन्छ।

हप्तामा कम्तिमा दुर्इ पटक १० मिनेट सम्म कपालमा तेल लगाएर मालिस गर्दा फाइदा हुनेछ । जसले गर्दा हाम्रो कपालका जरामा पोषण दिनुका साथै कपाल झर्ने, टुक्रने सम्भावना कम हुन्छ । नियमित मसाज गर्नाले कपालको जरा बलियो बनाउनुका साथै कपाल लामो र सुन्दर बनाउछ ।

तेल लगाउनाले टाउकोका भएको नसामा रगत प्रवाह बढ्नुका साथै राम्रो निन्द्रा लाग्ने गर्छ । कपालको जरासम्म तेलले मसाज गरेमा कपालमा धूलो तथा फोहर जम्न पाउँदैन र यसले हाम्रो कपाललाई प्रदूषणबाट बचाएर स्वास्थ्य राख्न मद्दत पुर्याउछ ।

सुख्खा कपालका लागि तेल निकै उपयोगी छ । नियमित तेल लगाउँदा हाम्रो कपालको सुक्खापन हटाएर हाँगा फाट्नबाट जोगाउँदै सिल्की बनाउछ । तेलले कपालको चाँया हटाएर हाम्रो कपाललाई छिट्टै बढाऊन मद्दत गर्छ ।

कपाल छिट्टै बढ्नुका साथै चमक पनि आउछ । त्यसैले कपालमा तेल लगाउने गर्नु भाको छैन भने आजै बाट हप्ताको न्यूनतम दुर्इ पटक १० मिनेटका लागि आफ्नो कपाललाई समय दिनुहोस ।

हामीले केहि सम्बन्धित थप जानकारी दिइएका छौ

तपाईको कपाल कतै खस्रो त छैन रु यदि छ भने यसरी सजिलै नरम बनाउन सक्नुहुन्छ

१. मुसुरोको दाललाई पानीमा भिजाएर कपाल धुँदा यसले कपाललाई नरम तथा चम्किलो बनाउँछ ।

२.गिलास पानीमा एक चम्चा चियाको पत्ती हालेर केही समय उमाल्ने । त्यसमा कागतीको रस हाल्ने । यस्तो मिश्रणले कपाल पखाल्दा कपालमा चमक आउँछ ।

३ एक गिलास बियर लिएर कन्डिसनरजस्तै गरी कपालमा लगाउने । यसले कपाललाई चमकदार बनाउँछ ।

४. कपाल सुक्खा छ, तथापि आफूलाई प्याक लगाउने फुर्सद छैन भने दुई चम्चा मह तथा दुई चम्चा रमलाई पानीमा हालेर कपाल पखाल्ने । यसले पनि कपाललाई नरम तथा चम्किलो बनाउँछ ।

५. कपालमा विभिन्न किसिमका केमिकल मिसिएका सामानको अधिक प्रयोग गर्नु राम्रो हुँदैन । केमिकल स्टेनिङ, कलरिङ आदि प्रक्रियाले कपाललाई कडा बनाउनुका साथै दीर्घकालीन असर गर्न सक्छ ।