गायक दुर्गेश थापा पक्राउ
नारीकोसिस डटकम/कात्तिक ५, काठमाडौं । तिहारको गीत गाएर विवादमा तानिएका गायक दुर्गेश थापालाई प्रहरीले पक्राउ गरेको छ ।
थापाको तिहार लक्षित गीत ‘ह्याप्पी तिहार, चिसो बियर’ विवादमा तानिएपछि थापाविरुद्ध जिल्ला प्रशासन कार्यालय काठमाडौंमा उजुरी परेको थियो ।
उक्त गीतमा ‘ए निकाल गाँजा, खानुपर्छ आज’ भन्ने शब्दका कारण दुर्गेश विवादमा तानिएका हुन् ।
तिहारको गीतमा बियरको प्रचार गर्नुका साथै कानुनी रुपमा प्रतिबन्धित गाँजा खानुपर्छ भन्ने शब्द रहेको भन्दै दुर्गेशविरुद्ध जिल्ला प्रशासन कार्यालय काठमाडौंमा उजुरी परेको हो ।
प्रहरीका अनुसार दुर्गेशलाई बालाजुबाट पक्राउ गरिएको र अहिले महानगरीय अपराध अनुसन्धान महाशाखा टेकुमा लगिएको छ ।
तपाईको प्रतिक्रिया