कागेश्वरीमा विश्वकै ठूलो कागको मूर्ति निर्माण हुँदै, आउँदो बैशाखमा अनावरण गरिने
नारीकोसिस डटकम/कात्तिक ७, काठमाडौं । कागेश्वरी मनोहरा नगरपालिकामा विश्वकै ठुलो कागको मूर्ति बन्ने भएको छ ।
काठमाडौं निर्वाचन क्षेत्र ३ का प्रदेश सांसद रामेश्वर फुयालको अगुवाईमा सो नगरपालिकाको वडा नं. १ कागेश्वरी क्षेत्र लोकतान्त्रिक पार्कमा विश्वकै ठूलो कागको मूर्ति निर्माण गर्न लागिएको हो ।
सो मूर्ति निर्माणको लागि चाहिने सामाग्रीहरुमध्ये कवाडी तामा पित्तलका भाँडा र आर्थिक सकंलन अभियान समेत सञ्चालन गरिएको छ ।
जसमा वडा नं. १ देखि ९ नम्बर वडा सम्मका स्थानीय वासिन्दाहरुबाट कवाडी पित्तल, तामाका भाँडाहरु संकलन भएको छ ।
सो अभियानमा संकल्लित कवाडीलाई चाँडै मूर्तरुप दिई निर्माणकार्यलाई आगामी फागुन ७ गते सम्पन्न गर्ने गरी अगाडि बढाई आउदौ बैशाखमा अनावरण गर्ने योजना रहेको सोही नगरपालिका वडा नं. १ का वडा अध्यक्ष मुकुन्द गजुरेलले जानकारी दिनुभयो ।
कागेश्वरी मनोहरा नगरपालिका कागेश्वरी महादेवको मन्दिर रहेको छ । जसमा प्रत्येक वर्षको भाद्र शुक्ल पूर्णिमा दिन बृहत्त धार्मिक मेला समेत लाग्ने गर्दछ ।
यस कागेश्वरी धामलाई पर्यटन प्रवद्र्धनको लागि पनि नगरपालिकाले विकास निर्माणको योजना अगाडि बढाईएको छ ।
तपाईको प्रतिक्रिया